"მანჩესტერ იუნაიუტედის" პირველ გუნდში გამოჩენის შემდეგ ბევრი გულშემატკივრისთვის სადავო საკითხია, თუ რომელ პოზიციაზე უნდა ითამაშოს ტიმოთი ფოსუ-მენსამ.

18 წლის ფეხბურთელმა სკოლაში თავდამსხმელად დაიწყო კარიერა, თუმცა მოგვიანებით არაერთი პოზიცია მოირგო და ლუი ვან გაალის ერთ-ერთი საყვარელი ფეხბურთელი მულტიფუნქციურ როლს ასრულებს. "აიაქსიდან" ცენტრალური მცველის რანგში შეძენილი ფეხბურთელი 18-წლამდელთა გუნდში ნახევარდაცვაში თამაშობდა.

რეზერვების მწვრთნელმა უორენ ჯოისმა ფოსუ-მენსა 10 ნომრის პოზიციაზე მოსინჯა წინასასეზონო მატჩების მიმდინარეოისას და ჰოლანდიელმა 21-წლამდელთა გუნდში რამდენიმე დიდებული მატჩი ჩაატარა, სანამ "არსენალთან" "იუნაიტედის" პირველ გუნდში სადებიუტო შეხვედრას ჩაატარებდა მარცხენა მცველის პოზიციაზე.

სასტარტო შემადგენლობაში გამოჩენილ პირველ მატჩში ტიმოთი "უოტფორდის" წინააღმდეგ ცენტრალურ მცველად მოგვევლინა, თუმცა არც ეს იყო ბოლო პოზიცია, სადაც მან ითამაშა. ინგლისის თასზე "ვესტ ჰემთან" მოპოვებულ გამარჯვებაში ფოსუ-მენსა გუნდს მარჯვენა მცველის რანგში ეხმარებოდა.

ზოგიერთს მიაჩნია, რომ თინეიჯერი თავისი აღნაგობისა და ფიზიკური მონაცემების გამო საჯარიმოდან საჯარიმომდე მოქმედ ნახევარმცველად უნდა იქცეს, თავად ტიმოთი კი ამ შეკითხვაზე იოლ პასუხს ვერ იძლევა.

"რთული კითხვაა. ვფიქრობ, მე მხოლოდ ჩემს გამოსავალს შევინარჩუნებ. ცენტრალური მცველი ან ნახევარდაცვა ყველაზე მეტად შესაძლებელია. თუმცა, როგორც მანამდე ვთქვი, სადაც მწვრთნელი ისურვებს, მეც იქ ვითამაშებ.

21-წლამდელთა გუნდთან ერთად წინასასეზონო ტურნეზე ვიყავი. უორენ ჯოისი ძალიან დამეხმარა, კერძოდ, იმ ასპექტებში, რომლებშიც არც ისე კარგი ვიყავი. ამაში დამეხმარა და ჩემგან უკეთესი მოთამაშე ჩამოაყალიბა. ბედნიერი ვარ, რომ ეს შეძლო. ნომერი 10-ს პოზიციაზე ვთამაშობდი სეზონის წინ და გოლიც გავიტანე, რის გამოც ბედნიერი ვიყავი.

ვფიქრობ, ეს გამოცდილება დამეხმარა. როგორც შემტევ ნახევარმცველს, შენ გიხდება ისეთ პოზიციაზე თამაში, სადაც უნდა იფიქრო და იფიქრო ისე, როგორც შემტევმა ფეხბურთელმა. როცა მცველად თამაშობ, სწავლობ, როგორ ფიქრობს თავდამსხმელი- თუ საით დაიწყებენ მოძრაობას და რას გააკეთებენ, სანამ ბურთს მიიღებენ. ასე რომ, ეს ნამდვილად გეხმარება, როცა სხვა პოზიციაზე თამაშობ.

ვფიქრობ, როცა ახალგაზრდა ხარ, მნიშვნელოვანია, რომ მაქსიმალურად ბევრ პოზიციაზე გათამაშონ, რადგანაც, სადაც მწვრთნელი ჩემს თამაშს ისურვებს, უფრო მეტი გამოცდილება მექნება თითოეულ როლში", - განაცხადა ახალგაზრდა ფეხბურთელმა.

კლუბის ოფიციალურმა ტელევიზიამ ვან გაალს ჰკითხა, მისი აზრით, რომელ პოზიციაზე იქნებოდა ფოსუ-მენსას თამაში საუკეთესო, რაზეც ჰოლანდიელმა მწვრთნელმა უპასუხა.

"ამის თქმა რთულია, რადგან ეს გუნდში ვაკანტურ ადგილზეცაა დამოკიდებული- თუ სად დაგვჭირდება ფეხბურთელი ყველაზე მეტად. ამ სეზონში ნახავდით, რომ დაცვაში ბევრმა ფეხბურთელმა ითამაშა, რადგან ამ პოზიციაზე ბევრი ტრავმირებული გვყავდა.

ამიტომაც, როცა ტრავმებს ვერ უმკლავდები, ფეხბურთელებს შესაძლებლობების გამოვლენის შანსს აძლევ. ფოსუ-მენსამ ჰოლანდიის ახალგაზრდულ სისტემაში ცენტრალურ მცველად და ნახევარმცველადაც ითამაშა. მე კი ის მარცხენა და მარჯვენა მცველად ვათამაშე, რადგან ამისთვის შესაფერისი უნარი აქვს.

დღემდე აჩვენებდა თავის უნარებს, ამიტომაც მის გამო ბედნიერი ვარ, ჩვეულებრივ, ფეხბურთელს იმ პოზიციაზე უნდა ხედავდე, სადაც ახალგაზრდულ გუნდში თამაშობდა. მაგრამ ასე არ არის, ეს ვაკანტურ პოზიციაზეა დამოკიდებული", - განაცხადა მწვრთნელმა.

წყარო: manutd.com

რომელია ფოსუ-მენსას საუკეთესო პოზიცია?

ნახევარმცველი

ცენტრალური მცველი

ფლანგის მცველი

სხვა პოზიცია

ხმის მიცემა შედეგები