იტალიური გამოცემა La Nazione იტყობინება, რომ "მანჩესტერ იუაიტედი" მარკუს რეშფორდს "ფიორენტინას" შესთავაზებს.

ახალგაზრდა ინგლისელმა "წითელი ეშმაკების" რიგებში გამოჩენის შემდეგ ექვსი გოლი გაიტანა "არსენალის", "მანჩესტერ სიტის", "ვესტ ჰემისა" და "მიდტიულანდის" წინააღმდეგ მატჩებში.

მიუხედავად იმისა, რომ 18 წლის ფეხბურთელი "იუნაიტედის" ძირითადი შემადგენლობის ფეხბურთელად იქცა, იტალიური მედიის მტკიცებით, "წითლები" მასთან განშორებას აპირებენ.

"მანჩესტერ იუნაიტედმა" "ფიორენტინას" ნიჭიერი ვინგერის, ფედერიკო ბერნარდესკის თაობაზე 28 მლნ. ევროს ოდენობითი შეთავაზება უკვე გააკეთა, მაგრამ ფლორენციელებისგან უარი მიიღო. სწორედ ამ შეთანხმების მისაღწევად გამოიყენებს "იუნაიტედი" რეშფორდს და იტალიურ კლუბს ახალგაზრდა თავდამსხმელს შესთავაზებს.



წყარო: goal.com