მაიკლ კერიკმა "ვესტ ჰემთან" ინგლისის თასის მატჩის შემდეგ დავიდ დე ხეა შეაქო და მის მიერ მოგერიებული ბურთებით აღფრთოვანებული დარჩა.

მარკუს რეშფორდისა და მარუან ფელაინის გოლებით "მანჩესტერ იუნაიტედი" "ჩაქუჩებთან" მატჩში 2-0 იგებდა, თუმცა "წითლებმა" მატჩის მიწურულს ერთი გოლი გაუშვეს და ნერვიული დასასრული გამოუვიდათ.

ჯეიმს ტომკინსის გოლის შემდეგ კარის ესპანელმა დარაჯმა რამდენიმე რთული დარტყმული მოიგერია და 2-1 ანგარიში შეინარჩუნა.

"მთელი ეს დრო უბრალოდ დაუჯერებელი იყო. მატჩის მიწურულს დავიდი გვჭირდებოდა. გოლმა თავდაჯერებულობა შეგვძინა. კარგად ვიცავდით თავს, მაგრამ დე ხეა დროულად გააქტიურდა", - განაცხადა კერიკმა.

ამ გამარჯვების შემდეგ "იუნაიტედი" ნახევარფინალში გავიდა, სადაც "ევერტონს" "უემბლიზე" შეხვდება. ვან გაალის გუნდს მიმდინარე სეზონში ტიტულის მოგების შანსი ჯერ კიდევ რჩება.

"უმნიშვნელოვანესი გამარჯვება. "უემბლიზე" მოხვედრის შესანიშნავი შესაძლებლობა.

"ვესტ ჰემი" ახლა აღმასვლას განიცდის, მათი სტადიონი- რთულად სათამაშო ადგილია. გვჯეროდა, რომ აქ გამარჯვება შეგვეძლო, მოვედით და გავიმარჯვეთ კიდეც.

ამ სეზონში ცუდი და საშინელი მატჩები გვქონდა. მაგრამ აქ ყველაფერი სწორად გავაკეთეთ. ფორმის შენარჩუნება გვჭირდება. სწორედ ასეთი დავალება დავისახეთ წინ", - დაასრულა ინგლისელმა.

წყარო: four-four-two