სტივენ ჯერარდი ინგლისის ნაკრების კაპიტნის, უეინ რუნის კრიტიკოსებს გამოეხმაურა და განაცხადა, რომ რუნის ასე არავინ გარიყავდა, სხვა ქვეყანაში რომ ეთამაშა.

რუნი 13 თებერვლის შემდეგ ვერ ახერხებს თამაშს და ნაკრებში მისი ადგილი ჰარი კეინმა და ჯეიმი ვარდიმ დაიკავეს. ინგლისელთა უახლოეს მატჩებში დანიელ სტარიჯი და დენი უელბეკიც თამაშობდნენ, ამის ფონზე კი რუნის საჭიროების საკითხი გაჩნდა.

ჯერარდი აცნობიერებს, რომ რუნი მიმდინარე სეზონში არც ისე კარგ ფორმაშია, მაგრამ ინგლისის ნაკრებში მისი სტატუსი საეჭვო არასდროს უნდა იყოს.

"ვეუბნები მათ, ვინც ფიქრობს, რომ რუნის "მანჩესტერ იუნაიტედში" ფორმის ჩავარდნა აქვს, რუნი ამას ყველაზე ადრე აღიარებდა, მაგრამ ჯერ კიდევ რჩება ტოპ-კლასის საერთაშორისო ფეხბურთელად, რომელსაც საფრანგეთში თავისი ქვეყნისთვის თამაშის მოგება შეუძლია.

ის გვჭირდება. ვფიქრობ, აქ პატივისცემის საკითხიც დგას. ბოლო 10 წლის განმავლობაში უეინი ინგლისელ გულშემატკივრებს ართობდა - ჩვენი საუკეთესო ბომბარდირი გახდა - და არც ისე შორს არის დრო, როცა იკითხავდნენ, ოდესმე თუ დაიბადებოდა მეორე რუნი. კარგი, ნამდვილი რუნი აქ არის და ჯერ კიდევ ბევრი რამის შეთავაზება შეუძლია.

თუ ჩვენი ეპოქის მსოფლიო კლასის ფეხბურთელებზე ვილაპარაკებთ, ის წლების განმავლობაში ერთ-ერთი ნათელი წერტილი იყო. ახლა კი ხალხი მას აგდებს. სად არის ლოიალურობა არა მარტო ჩვენი თაობის, არამედ ინგლისური ისტორიის ერთ-ერთი უდიდესი ფეხბურთელისადმი? ამდენ ადამიანს რატომ უნდა მისთვის ბოლოს მოღება?

ამას საზღვარგარეთ ვერსად ნახავ, რადგან უდიდეს მსახურებს ეთაყვანებიან და მის შენარჩუნებას მაქსიმალურად დიდხანს ცდილობენ. არ მითხრათ, რომ რუნი ინგლისის ნაკრებში მოედანზე და მის ფარგლებს გარეთ დიდ როლს არ თამაშობს.

მას კარგად ვიცნობ, ყველაფერს გააკეთებს იმისათვის, რომ დაამტკიცოს, რაც შეუძლია. დიდი ფეხბურთელები სასჯელის დროს შთაგონებას უფრო იღებენ, ვიდრე შიშს.

ჯეიმი ვარდი გუნდში უნდა იყოს. თავისი შესაძლებლობები ორ თამაშში დაამტკიცა და არა მარტო გოლების, არამედ უნარების გამო. ჰარი კეინიც იქ იქნება - როგორც უკვე ვთქვი - და საკამათოც კი არ არის, რომ რუნიმ კაპიტნობა უნდა შეინარჩუნოს.

სხვებს რაც შეეხებათ, ჯერ კიდევ აქვთ საქმე. მინდა, დანიელ სტარიჯი სეზონის ბოლომდე რამდენიმე გატანილი გოლითა და ტრავმის გარეშე ვიხილო".

"ლოს-ანჯელეს გელექსის" ნახევარმცველი შიშობს, რომ თანამედროვე ფეხბურთში გამოცდილ ფეხბურთელებს ხშირად იშორებენ თავიდან.

"როგორც ქვეყანა, ერთი სული გვაქვს, როდის მოვიშორებთ თავიდან ფეხბურთელს, რომელიც დიდი ხანია ჩვენს სამსახურშია და მნიშვნელობას საერთოდ არ ვანიჭებთ მის გამოცდილებას. გადაღლილ და დაუფასებელ ფეხბურთელებს ძალიან სწრაფად ვზრდით.

სამაგიეროდ ვეთაყვანებით ახალგაზრდა ფეხბურთელებს, როცა კარგად თამაშობენ და მხოლოდ იმას გავიძახით, რუნი ინგლისის გუნდიდან უნდა მოვაშოროთო, რათა კიდევ ერთხელ დავრწმუნდეთ, რომ ბევრი ჩვენგანი მხარდაჭერას სწორედ მაშინ წყვეტს, როცა ყველაზე მეტად საჭიროა".

წყარო: goal.com