"მანჩესტერ იუნაიტედის" მთავარმა მწვრთნელმა ადნან იანუზაი 21-წლამდელთა გუნდში ჩადენილი თავხედური საქციელის გამო დასაჯა.

ბელგიელი ფეხბურთელი მიმდინარე სეზონში პირველ გუნდში თამაშის უფლებას ვერ იღებს და პრესა შეეცადა გაერკვია, თუ რა იყო ამის მიზეზი.

დადასტურდა, რომ იანუზაიმ და ანდრეას პერეირამ "იუნაიტედის" 21-წლამდელთა გუნდში "სანდერლენდის" წინააღმდეგ 25 იანვარს შემდგარ მატჩში თამაშის საკუთარ თავზე აღება სცადეს. ორივე ფეხბურთელმა სცადა პირდაპირ კუთხურიდან გაეტანათ გოლი, რაც წარუმატებლად გამოუვიდათ.

სამწვრთნელო შტაბი ამით უკმაყოფილო აღმოჩნდა და ვან გაალს მომხდარის შესახებ აცნობა. მას შემდეგ იანუზაი გუნდში მხოლოდ ერთხელ გამოჩნდა- მე-80 წუთზე შეცვალეს.

იანუზაის წარუმატებელი სეზონი აქვს. რამდენიმე წლის წინ ბელგიელი მსოფლიო ფეხბურთის ერთ-ერთ ამომავალ ვარსკვალავად ითვლებოდა, მაგრამ ვან გაალის ხელმძღვანელობით იგი თავის გამოჩენას ვერ ახერხებს. 21 წლის ფეხბურთელი იჯარის წესით დორტმუნდის "ბორუსიაში" იყო განათხოვრებული, სადაც თავის დამკვიდრება ვერ მოახერხა და კვლავ "ოლდ ტრაფორდზე" დაბრუნდა. მაგრამ "იუნაიტედის" რიგებში მხოლოდ ორი მატჩი ჩაატარა- "არსენალის" წინააღმდეგ და "საუთჰემპტონთან".

წყარო: independent