ლუი ვან გაალმა განაცხადა, რომ ლუკ შოუ ფიზიოთერაპევტთან ვარჯიშს ორშაბათს განაახლებს, ხოლო უეინ რუნის გამოჯანმრთელების პროცესი კარგად მიმდინარეობს და მალე 21-წლამდელთა გუნდში ითამაშებს.

შოუმ ფეხის ორმაგი მოტეხილობა მიიღო ჩემპიონთა ლიგაზე პსვ-ს წინააღმდეგ მატჩში და სექტემბრის შემდეგ რეაბილიტაციის კურსს გადის. რუნი კი 13 თებერვალს "სანდერლენდთან" მატჩში დაშავდა.

"იუნაიტედის" ოფიციალურ ტელევიზიასთან საუბრისას ვან გაალმა განაცხდა: "უეინი დიდებულად მოქმედებს. მასაც თითქმის იგივე ტრავმა აქვს, რაც ბასტის. შესანიშნავად მოქმედებს. დღეს უფრო დაბალ დონეზე მცირე უნარების ვარჯიშები შეასრულა ბურთით. ეს მისთვის ძალიან კარგია".

რაც შეეხება შოუს, ვან გაალმა მის შესახებაც სასიამოვნო ინფორმაცია გაავრცელა: "ორშაბათს, მოედანს ორშაბათს პირველად დაუბრუნდება, მაგრამ ჯერ მხოლოდ ფიზიოთერაპევრტთან და არა ვარჯიშების მწვრთნელთან. უეინი კი უკვე ვარჯიშების მწვრთნელთანაა".

ანდერ ერერამ "იუნაიტედის" ბოლო ორი შეხვედრა ასევე ტრავმის გამო გამოტოვა, ვან გაალმა კი დაადასტურა, რომ ეშლი იანგთან ერთად ისიც მალე დაუბრუნდება მოედანს.

"ორივე ბრუნდება. იანგმა და იანუზაიმ გასულ პარასკევს საერთაშორისო შესვენებისას რეზერვების რიგებში ერთმანეთში ითამაშეს. ასე რომ, ბევრი ფეხბურთელი ბრუნდება".

წყარო: manutd.com