ESPN-ის კორესპონდენტი და ფანზონა United We Stand-ის მთავარი რედაქტორი ენდი მიტენი აცხადებს, რომ "მანჩესტერ იუნაიტედის" ხელმძღვანელობა "ოლდ ტრაფორდის" ტევადობის გაზრდის გეგმაზე მუშაობს.

მცირე ხნის წინ კლუბმა საფეხბურთო სტადიონების თაობაზე მიღებული ახალი სტანდარტების დასაკმაყოფილებელი წინაპირობა მიიღო, რომლის შესრულებაც ტევადობას, რომელიც ამჟამად 75653 ადგილს შეადგენს, 3000 ადგილით შეამცირებს.

გამომდინარე იქიდან, რომ "იუნაიტედის" მატჩების ბილეთები ყოველი შეხვედრის წინ დიდი ხნით ადრე სრულად იყიდება, ეს დიდი დანაკარგი იქნებოდა კლუბისთვის და ხელმძღვანელობას სურს, სტადიონის გარდაქმნის ვარიანტი განიხილოს, რამაც დანაკარგის კომპენსირება და ახალი დასაჯდომი ადგილების შექმნის საშუალება უნდა გააჩინოს.

ამჟამად მმართველობის განხილვის საგანი "ოლდ ტრაფორდის" მოდერნიზაციის ხუთი ვარიანტია, რომელთაგან ერთ-ერთი სამხრეთი ტირბუნისთვის სექტორის დამატება იქნება, რომელმაც 7500 მაყურებელი უნდა დაიტიოს- ეს სწორედ ის ტრიბუნაა, რომელსაც კვირას სერ ბობი ჩარლტონის სახელი დაერქმევა. ამ შემთხვევაში, სტადიონის სრული ტევადობა 80000-ს შეადგენს.

ასევე პროექტის ფარგლებში განიხილება კუთხის ორი სექტორების დამატება, რომელთაგან თითოეული 4000 ადგილზე იქნება გათვლილი. ამ შემთხვევაში "ოლდ ტრაფორდს" კიდევ 8000 ადგილი დაემატება და შედეგად მივიღებთ, რომ "კამპ ნოუს" შემდეგ "ოცნების თეატრი" ევროპის ყველაზე დიდი სტადიონი იქნება.

აქამდე სტადიონის ტევადობის გაზრდის უმთავრეს საშუალებად ითვლებოდა სარკინიგზო ხაზი და სადგური, რომელიც მხოლოდ მატჩის დღეს გამოიყენება, მაგრამ თანამედროვე ინჟინერული ტექნოლოგიები საშუალებას იძლევა, გზების მაღლა აღიმართოს სექტორი ყოველგვარი ძვირადღირებული გვირაბის გარეშე.

"ოლდ ტრაფორდის" მოდერნიზაციის სამუშაოები 2017 წლიდან დაიწყება.

წყარო: espn