მემფის დეპაი მონდომებულია, დაამტკიცოს, რომ ჰოლანდიის ნაკრებისთვის ჯერ კიდევ რჩება მნიშვნელოვან ფეხბურთელად, ამის გასაკეთებლად კი მას საფრანგეთისა და ინგლისის ნაკრებების წინააღმდეგ მატჩები ექნება.

22 წლის ფეხბურთელმა "ოლდ ტრაფორდზე" მოლოდინი ვერ გაამართლა და ამის გამო დეპაი შიშობდა, რომ ნაკრებში გამოძახებას ვერ მიიღებდა.

თუმცა დეპაი დენი ბლინდმა მიიწვია და მემფისი ამის მნიშვნელობაზე საუბრობს: "იყო მომენტები, როცა მეეჭვებოდა, გამომიძახებდნენ ეროვნულ გუნდში თუ არა.

რამდენიმე რთული მატჩი მქონდა, მაგრამ ახლა ეჭვი აღარ მეპარება. მინდა ვაჩვენო, რომ ჯერ კიდევ კარგი ვარ "ნარინჯისფერთა" რიგებში სათამაშოდ.

ჩვენ ახალ გუნდს ვაშენებთ და ეს კარგი შეგრძნებაა. წინ ორი მშვენიერი მატჩი გვაქვს. საფრანგეთი და ინგლისი დიდებული გუნდებია. მატჩების წინ ოპტიმისტურად ვართ განწყობილნი".

დეპაი "იუნაიტედის" რიგებში არაერთხელ მოხვედრილა და ვერ მოხვედრილა, მაგრამ დენი ბლინდის გუნდში მაინც მნიშვნელოვან ფიგურად რჩება.

"ეროვნული გუნდის მწვრთნელი თვითრწმენას მაძლევს და ამით მოხარული ვარ.

ახალგაზრდა ფეხბურთელებისთვის ძალიან მნიშვნელოვანია მწვრთნელის ყოლა, რომელსაც მისი სჯერა. მან იცის, რა შემიძლია და რამდენად სასარგებლო შემიძლია ვიყო, თუკი მსოფლიო ჩემპიონატზე მოვხვდებით.

ვგრძნობ თუ არა იგივეს "იუნაიტედში? ხანდახან. არსებობს რამდენიმე ადამიანი, რომელთაც ამაზე ვესაუბრე, მათ შორის არის მწვრთნელიც.

მაგრამ ახლა მხოლოდ ეროვნულ გუნდზე ვფიქრობ. ბედნიერი ვარ, რომ ამ ორ ამხანაგურ მატჩზე გუნდის ნაწილი ვიქნები".

წყარო: goal.com