"მანჩესტერ იუნაიტედის" ცენტრალური მცველი კრის სმოლინგი აცხადებს, რომ "მანჩესტერ სიტისთან" შეხვედრაში მისმა თანაგუნდელებმა ბევრი იბრძოლეს და სამივე ქულა დაიმსახურეს.

სმოლინგმა "თვითერზე" ჩატარებული გამოკითხვის შედეგად ხმების 61% მიიღო და მატჩის საუკეთესო ფეხბურთელად დასახელდა. თუ კრისის თავდადება გუნდს კარის "მშრალად" შენახვაში დაეხმარა, "წითელ ეშმაკებს" სამი ქულა მარკუს რეშფორდის გოლმა მოუტანა.

"ლივერპულთან" ხუთშაბათს გამართული მატჩის შემდეგ რამდენიმე ფეხბურთელს "სიტისთან" შეხვედრაში გადაღლილობა დაეტყო. სმოლინგი კი მოხარულია, რომ მისმა თანაგუნდელებმა ამის მიუხედავად ბოლომდე იბრძოლეს.

"ჩვენ ყველაფერი გავიღეთ და მივიღეთ შედეგი, რომელიც გვსურდა. ვფიქრობ, არავინ ზოგავდა თავს. მათ ბევრი კუთხური მოიპოვეს და ბევჯერ შედგა გადამწყვეტი ორთაბრძოლა. ვფიქრობ, ყველა ხედავდა, რომ ფეხბურთელები ნამდვილად შრომობდნენ.

თამაშს უმეტესად ჩვენ ვაკონტროლებდით, პირველ ტაიმში კი ძალიან კარგად ვითამაშეთ. ნამდვილი საგოლე მომენტები ბევრი აქ ჰქონიათ, შეხვედრის დასასრულს აგუეროს ჰქონდა საუკეთესო, დანარჩენ შემთხვევებს კი კარგად გავუმკლავდით. ისინი ვაიძულეთ, ჩვენს წინ ეთამაშათ, საპასუხოდ კი ვერაფერი მოიმოქმედეს", - განაცხადა სმოლინგმა.

სმოლინგმა მატჩის მეათე წუთზე მიიღო ყვითელი ბარათი და მისი პოზიციიდან გამომდინარე მუდმივად იმყოფებოდა გაძევების საფრთხის წინაშე, მაგრამ თავად კრისი აცხადებს, რომ ფრთხილად თამაშობდა.

"ვფიქრობ, ასე ნაადრევად გაფრთხილებამ მატჩის დარჩენილ ნაწილში ჩემი თამაში სარისკო გახადა. გაფრთხილება მივიღე ისეთ სიტუაციაში, რომელშიც არ იყო სავალდებულო, მაგრამ კიდევ ერთხელ რომ გამეკეთებინა, აუცილებლად იქნებოდა- მატჩის უმეტეს ნაწილში ყვითელი ბარათის გამო ფრთხილად თამაში მომიხდა".

წყარო: manutd.com