"მანჩესტერ იუნაიტედსა" და "ლივერპულს" შორის მატჩი 1-1 დასრულდა და შედეგად, "წითელი ეშმაკები" ევროპის ლიგის მიმდინარე გათამაშებას გამოეთიშნენ. ვან გაალმა მატჩის შემდეგ მნიშვნელოვან საკითხებზე ისაუბრა.

გამოუყენებელი მომენტები

ძალიან სამწუხაროა, რადგან შანსი გვქონდა- ამას ვგრძნობთ გასახდელ ოთახში. საკმარისი რაოდენობის შანსები შევქმენით- ლინგარდმა თავური ვერ გაიტანა, მატამ რვა მეტრიდან ააცილა, მარსიალმაც, მაგრამ ჩვენ გავუშვით გოლი პირველი ტაიმის ბოლო წუთებზე... გოლი რომ არ გაგვეშვა, ეს შესაძლებელი იქნებოდა. მეორე ტაიმშიც გვქონდა შანსები- ფელაინის თავური, ფეხით დარტყმა. მაგრამ სამი გოლი გვქონდა გასატანი და ეს ადვილი არ არის.

კოუტინიოს მომაკვდინებელი ეფექტი

კოუტინიო ქების ღირსია. ფანტასტიკურად იმოქმედა. ჩვენც ვმოქმედებდით ფანტასტიკურად, მაგრამ ცოტა იღბალიც გჭირდება. თუმცა, როცა მწვრთნელი ძალიან ბევრს ამბობს, კარგი არ არის. 1-0 ვიგებდით და საკმაოდ ბევრი შანსი გვქონდა იმისთვის, რომ 2-0 გაგვეხადა ანგარიში, მაგრამ ჩვენ გოლი გავუშვით. ვერ გავიტანეთ, მერე კი საქმე გართულდა. გასახდელ ოთახში დიდი განსხვავება იყო- "ლივერპული" თავისუფალი იყო, ჩემი აზრით, რადგან ისე ვეთამაშეთ, როგორც მათ "ენფილდზე" პირველ ტაიმში.

"იუნაიტედის" ფეხბურთელთა ვალდებულება

ყველაფრის გაკეთება ვცადეთ. ბოლომდე ვიბრძოდით. შესვენებაზე ფეხბურთელები იმედგაცრუებულნი გავიდნენ, მაგრამ მაინც ყველაფერი გავიღეთ. სასიამოვნო იყო, რომ გულშემატკივარი ამას ხედავდა და მატჩის შემდეგ ფეხბურთელებს ტაში დაუკრეს.

გადატვირთული გრაფიკი

ამას თავი უნდა გავართვათ. ამ მატჩის შემდეგაც მოგვიწევს ძალების აღდგენა. ფეხბურთელებმა ყველაფერი დათმეს - მეტი, ვიდრე ყველაფერი, ჩემი აზრით - მაგრამ ახლა "მანჩესტერ სიტისთან" გვაქვს მატჩი, რომელიც ძალიან მნიშვნელოვანია, რადგან ჩემპიონთა ლიგაზე გასვლის ბედი წყდება. მათ კი ძალების აღსადგენად ერთი დღით მეტი აქვთ, მაგრამ ასე იყო "არსენალის" შემთხვევაშიც და ისინი დავამარცხეთ, ასე რომ, უნდა გვჯეროდეს. ამის გაკეთება შეგვიძლია, თუმცა ეს ჩვენი მეხუთე თუ მეექვსე მატჩი ორი კვირის განმავლობაში.

წყარო: manutd.com