გავლენიანი გამოცემები აქტიურად იუწყებიან, რომ მანჩესტერი სეზონის ბოლოს ვან გაალს გამოეთხოვება და ივლისში ჟოზე მოურინიო "წითელი ეშმაკების'' თავკაცი გახდება. რა თქმა უნდა ეს ინფორმაცია ჯერ ოფიციალურად არ დადასტურებულა, თუმცა მედიამ უკვე დაიწყო იმ ფეხბურთელების დასახელება, რომლის მოყვანაც პორტუგალიელ სპეციალისტს აქვს განზარხული:

1.რომელუ ლუკაკუ
პოზიცია:ცენტრფორვარდი

რომელუ ლუკაკუს ჩელსიდან გაშვება,სწორედ ჟოზეს სახელს უკავშირდება.თუმცა ფორვარდის მიერ ნაჩვენები თამაშის მიხედვით, ის პორტუგალიელი მწვრთნელის ნომერ პირველი სამიზნე იქნება.

2.ლუკას მოურა
პოზიცია:მარჯვენა/მარცხენა ვინგერი

ანხელ დი მარიას პარიზულ კლუბში გადასვლის შემდეგ ლუკას მოურას სათამაშო დრო კიდევ უფრო მცირდება და ბრაზილიელ ვინგერს სურს კლუბი შეიცვალოს. ცნობილია, რომ ჟოზე პარიზში იმყოფებოდა, სადაც სწორედ ლუკასის თამაშს აკვირდებოდა.

3.ფელიპე ანდერსონი
პოზიცია:შემტევი ნახევარმცველი

მიმდინარე სეზონში "ლაციოს" თავკაცმა დაადასტურა კიდეც, რომ ანდერსონი კარიერას "მანჩესტერ იუნაიტედში" გააგრძელებდა, თუმცა რამდენიმე საათში, ეს ინფორმაცია "ლაციოს" მფლობელებმა უარყვეს. ეს სულაც არ ნიშნავს, რომ ზაფხულში ედ ვუდვორდი მის ყიდვას არ შეეცდება. დიდი ალბათობით, ნახევარმცველს "ოლდ ტრაფორდზე" ვიხილავთ.

4.ჯონ სტოუნსი
პოზიცია:ცენტრალური მცველი

ჯერ კიდევ "ჩელსის" თავკაცობის პერიოდში, ჟოზე არ მალავდა სიმპატიას ინგლისელი მცველის მიმართ. "ევერტონის" დაცვის ლიდერი ახალგაზრდა და სტაბილურია. ამასთან "მანჩესტერი" ცენტრალური მცველების ნაკლებობას დიდი ხანია განიცდის და რაღა თქმა უნდა, ჟოზე ამ პოზიციის გაძლიერებას აუცილებლად ეცდება.

5.ემერიკ ლაპორტი
პოზიცია:ცენტრალური ცმველი

ლაპორტი უკვე დიდი ხანია ვუდვორდის სამიზნეა. ახალგაზრდა ცენტრალური მცველი სტაბილურად და დამაჯერებლად ასპარეზობს ლა ლიგაში. თუმცა თავად ჟოზეს მის მიმართ ინტერესი არასდროს გამოუხატავს.

6.ზლატან იბრაჰიმოვიჩი
პოზიცია:ცენტრფორვარდი

შვედმა ფორვარდმა უკვე დაადასტურა, რომ ზაფხულში პარიზს დატოვებს. პრესა აქტიურად აშუქებს,რომ ზლატანს ძალების მოსინჯვა პრემიერ ლიგაში სურს, ამიტომ იგი უკვე დაუკავშირეს "მანჩესტერ იუნაიტედსა" და "ჩელსის". მისივე თქმით, მას ძალიან სურს ჟოზე მოურინიოსთან ერთად მუშაობა. თუმცა შვედი ფორვარდის გადმოსვლა შეიძლება მისმა ასაკმა შეაფერხოს (ზლატანი 34 წლისაა).

თუ ჟოზე მოურინიო ზაფხულში "მანჩესტერ იუნაიტედის" მთავარი მწვრთნელი გახდება, ტრანსფერები აუცილებლად განხორციელდება, ვინაიდან პორტუგალიელი სპეციალისტი ახალგაზრდებთან კარგი დამოკიდებულებით არ გამოირჩევა და უყვარს მზა პროდუქციის მიღება.