ზლატან იბრაჰიმოვიჩმა განაცხადა, რომ მომდევნო სეზონიდან პსჟ-ში აღარ ითამაშებს.

გუშინ ფრანგული კლუბი "ტრუას" 9-0 განადგურების შემდეგ საფრანგეთის ჩემპიონი ზედიზედ მეოთხედ გახდა, ზლატან იბრაჰიმოვიჩმა კი მატჩის შემდეგ თავის მომავალთან დაკავშირებით ისაუბრა.

პრესა ირწმუნება, რომ პსჟ-ს შვედთან კონტრაქტის გახანგრძლივება სურს, თუმცა თავდამსხმელი კლუბის დატოვებას ამჯობინებს და მედიის მტკიცებით, მისით "მანჩესტერ იუნაიტედია" დაინტერესებული.

"გულშემატკივართან ყოველთვის კარგი ურთიერთობა მქონდა. კლუბი და ისინი ყოველთვის კარგად მექცეოდნენ. მე ყველასთან კარგი ურთიერთობა მაქვს. ეს უდავოა.

მაგრამ ჯერჯერობით ხდება ისე, რომ პსჟ-ში მომდევნო სეზონიდან აღარ ვიქნები. მოქმედი კონტაქტით თვე-ნახევარი მრჩება. ამ დროით დავტკბები. არ ვიცი, რა მოხდება მომდევნო სეზონში, მაგრამ ჯერჯერობით ყველაფერი იქითკენ მიდის, რომ მომდევნო სეზონში აქ აღარ ვიქნები.

როგორ შეძლებენ ჩემს დატოვებას? არა მგონია, ეიფელის კოშკი ჩემი ქანდაკებით შეცვალონ, ასე რომ... ეს ჩვენი კლუბის მფლობელებსაც კი არ შეუძლიათ.

მაგრამ თუ გამოუვათ, დავრჩები - პირობას ვდებ", - განაცხადა იბრაჰიმოვიჩმა.

წყარო: mirror