"მანჩესტერ იუნაიტედი" "ვესტ ჰემს" ინგლისის თასზე მეთერთმეტედ დაუპირისპირდება და ორივე გუნდი "უემბლის" საგზურის მოპოვებას ეცდება.

კვირის მატჩი "ჩაქუჩებისთვის" წარმატებული სერიის გაგრძელების საშუალება იქნება, ხოლო "წითელი ეშმაკებისთვის" "ლივერპულთან" მარცხის გამო კომპენსირება.

გუნდებს ტურნირზე არაერთი მატჩი ჩაუტარებიათ, ჩვენ კი ამის ამსახველ სურათებს გთავაზობთ.

პირველი მატჩი 1911 წელს შედგა, როცა "ვესტ ჰემის" 2-1 გამარჯვებამ საფუძველი ჩაუყარა გუნდებს შორის შემდგარ რთულ მატჩებს - მათ შორის გამონაკლისი იყო 2003 წლის მატჩი, რომელიც სერ ალექს ფერგიუსონის გუნდის გამარჯვებით, ანგარიშით 6-0 დასრულდა.

6 გოლი გავიდა "ოლდ ტრაფორდზე" გამართულ კიდევ ერთ დაპირისპირებაში, რომელიც "წითლებმა" 1985 წელს 4-2 მოიგეს. უკანასკნელი დაპირისპირება 2013 წელს შედგა და უეინ რუნის გოლით "იუნაიტედმა" 1-0 მოიგო.