კრის სმოლინგს მიაჩნია, რომ "მანჩესტერ იუნაიტედისა" და "ლივერპულის" დაპისპირებაში ინდივიდუალური ბრძოლები ბევრ რამეს გადაწყვეტს.

ინგლისის ნაკრების ცენტრალური მცველი მიმდინარე სეზონში უკვე დაეხმარა "იუნაიტედს" "ენფილდზე" კარის "მშრალად" შენახვაში, როცა "მერსესაიდელებს" გამოკვეთილი ფორვარდი არ ჰყავდათ. კრისტიან ბენტეკე და სტივენ კოლკერი მაშინ შეხვედრის მიწურულს შევიდნენ მოედანზე და შეტევას დაეხმარნენ, მაგრამ იურგენ კლოპს ახლა შემადგენლობაში ჰყავს დანიელ სტარიჯი და დივოკ ორიგი.

ტრავმამოშუშებულმა სმოლინგმა პრესკონფერენცია ვან გაალთან ერთად გამართა და ფიზიკურ დაპირისპირებაზე ისაუბრა.

"ვფიქრობ, ძალიან ხშირად პირველი 20 წუთი უმთავრესია. მაგრამ ვის წინააღმდეგაც არ უნდა თამაშობდე, გსურს, მასზე უკეთესი იყო. ჩემთვის, მაგალითად, ასეთია თავდამსხმელი. ძალიან ადრე, გინდა ადრე ჩაება გამოწვევაში და დარწმუნდე, რომ შენ უკეთესი ხარ.

ეს არის მატჩი, რომელსაც ფეხბურთელები მოუთმენლად ელოდებიან და ეს არის მატჩი, რომელში მონაწილეობასაც მოუთმენლად ველოდები.

კარგია, რომ მწვრთნელი ტაქტიკური თვალსაზრისით აფასებს, ჩვენ კი სავარჯიშო მოედანზე მატჩამდე ტაქტიკაზე ვმუშაობთ, რათა შემთხვევებმა არ მოგვიცვას. მაგრამ როგორც კი თეთრ ხაზს გადაკვეთ, ემოციები შეგიპყრობს და საუკეთესო მატჩის ჩატარების იმედი გაქვს", - განაცხადა სმოლინგმა.

წყარო: manutd.com