ინგლისის ნაკრების მთავარმა მწვრთნელმა, როი ჰოჯსონმა არ გამორიცხა შესაძლებლობა იმისა, რომ მარკუს რეშფორდი, "მანჩესტერ იუნაიტედის" ახალგაზრდა თავდამსხმელი ინგლისის ნაკრების შემადგენლობაში მოხვდეს.

ჰოჯსონის თქმით, იგი რეშფორდს იმ დროიდან აკვირდება, რაც მარკუსი კლუბისა და ნაკრების ახალგაზრდულ გუნდში თამაშობდა.

"არაფერს გპირდებით, მაგრამ არც მისი გამოძახების შესაძლებლობას გამოვრიცხავ, უბრალოდ ვიმედოვნებ, მომავალშიც ყველაფერი კარგად წარიმართება. რეშფორდს ორი წელია ვაკვირდები, ასე რომ, დიდი ხანია ვიცნობ. ჩვენს სისტემაში იმყოფება.

მარკუსი ჩვენს 18-წლამდელთა გუნდში თამაშობს და ძალიან გვიხარია, რომ ახალგაზრდა ფეხბურთელები, რომელთა გვჯერა და რომელთაც ნათელ მომავალს ვუწინასწარმეტყველებთ, კლუბის პირველ გუნდში იღებენ შანსს. ეს შესანიშნავია და იმედი მაქვს, მომავალშიც ასე გაგრძელდება. მაგრამ ყველაზე მეტად იმის იმედი მაქვს, რომ ისე განავითარებენ, როგორც 18 წლის ბიჭი უნდა განვითარდეს და ხალხი მასზე ჭარბ ზეწოლას არ მოახდენს.

ორ სადებიუტო მატჩში 4 გოლის გატანა - დიდი წარმატებაა და თუ მარკუსი ასე ითამაშებს, "მანჩესტერ იუნაიტედი" და ინგლისის ნაკრები იღბლიანი იქნება. მოდით, იმედი ვიქონიოთ, რომ რაჰიმ სტერლინგის, როს ბარკლის, უეინ რუნის, დევიდ ბექჰემისა და პოლ სქოულზის გზას გაივლის - სხვების გახსენებაც შეიძლება.

ახალგაზრდა ფეხბურთელებისთვის არაერთხელ მიგვიცია შანსი და მას წარმატებით იყენებდნენ. ალექს ოქსლეიდ-ჩემბერლენი გუნდში 2012 წელს მოვიწვიეთ, რაჰიმ სტერლინგი 18 თუ 19 წლის ასაკში. ბევრი ისეთი ფეხბურთელია, რომელთაც ჩვენი ნდობა გაამართლეს", - განაცხადა ჰოჯსონმა.

წყარო: skysports