პრემიერ ლიგის 28-ე ტურის მატჩში "მანჩესტერ იუნაიტედმა" საშინაო არენაზე "უოტფორდს" უმასპინძლა და უმნიშვლოვანესი 3 ქულის მოპოვება შეძლო. ვან გაალის გუნდმა 83-ე წუთზე მოახერხა ერთადერთი გოლის გატანა, თავი ხუან მატამ გამოიჩინა, რომელმაც ბრწყინვალე საჯარიმო დარტყმით მოახერხა მეტოქის კარის აღება.

28 ტურის შემდეგ მანჩესტერელებს 47 ქულა დაუგროვდათ და მე-5 ადგილზე იმყოფებიან. შემდეგ ტურში ვან გაალის გუნდი "კრისტალ პალასს" უმასპინძლებს.

მანჩესტერ იუნაიტედი – უოტფორდი 1:0

სტადიონი: "ოლდ ტრაფორდი", მანჩესტერი
გოლი: მატა (83')
გაფრთხილებები: ფოსუ-მენსა – ბრიტოსი, ამრაბატი
მონაცემი: ინგლისის პრემიერ ლიგა, 28-ე ტური
თარიღი: ოთხშაბათი, 2 მარტი, 2016 წელი
მთავარი მსაჯი: მაიკ ჯონსი

შემადგენლობები

მანჩესტერ იუნაიტედი: დე ხეა, ვარელა, ბლინდი, ფოსუ-მენსა, როხო (დარმიანი 70'), შნეიდერლინი, ერერა (ლინგარდი 77'), მატა (მაკნეირი 89'), დეპაი, მარსიალი, რეშფორდი.

უოტფორდი: გომეში, ჰოლებასი, ბრიტოსი, პრიოდლი, ნიომი, ბეჰრამი (ანია 86'), კაპუ, უოტსონი, აბდი (მ.სუარესი 70'), დინი, იგალო (ამრაბატი 75').