ინგლისის თასის მე-3 საკვალიფიკაციო ეტაპი წუხელ დაიწყო, დღეს ღამით გაგრძელდება და ხვალ დასრულდება. მე-3 რაუნდი ერთი მატჩისგან შედგება, მაგრამ ამ ტურნირის რეგლამენტის მიხედვით, თუ სათასო შეხვედრა ფრედ დასრულდება, მაშინ გამარჯვებულის გამოსავლენად, დამატებითი ორი ტაიმი ან პენალტების სერია კი არ ინიშნება, არამედ დამატებითი მატჩი, რომელსაც უკვე სტუმარი გუნდი მასპინძლობს.
ინგლისის თასის მე-3 რაუნდის თამაშებიდან, ლონდონში, „ეპტონ პარკზე“ გამართული შეხვედრა გამოვარჩიეთ, რომელიც ყველაზე დრამატული გამოდგა. „ვესტ ჰემმა“ „მანჩესტერს“ უმასპინძლა და მეტოქეები 2:2 ფრეზე გაიყარნენ. შესაბამისად, ამ წყვილში გამარჯვებულის გამოსავლენად მეორე მატჩი მანჩესტერში, „ოლდ ტრაფორდზე“ ჩატარდება...
მანამდე კი პირველ მატჩზე ვთქვათ... სერ ალექს ფერგიუსონმა ჰოლანდიელი მეგოლე შეცვლაზე ათამაშა. მანჩესტერელები რობინ ვან პერსის გარეშეც დაწინაურდნენ. ჩიჩარიტოს (ხავიერ ერნანდესი) პასით ტომ კლევერლის მიერ გატანილი გოლი, ჯეიმს კოლინზმა 4 წუთში გაქვითა. კოლინზმა მეორე ტაიმში „ვესტ ჰემი“ დააწინაურა. აღსანიშნავია ის, რომ ჯეიმს კოლინზმა ორივე გოლი „ვესტ ჰემში“ დაბრუნებული ჯო კოულის პასით გაიტანა. ვან პერსიმ ბოლო 22 წუთი ითამაშა და არბიტრის მიერ კომპენსირებულ პირველ წუთზე გატანილი გოლით „მანჩესტერი“ წაგებისგან იხსნა.
„ჩელსი“ „საუთჰემპტონს ესტუმრა და დიდ ანგარიშით 5:1 მოიგო. რაფაელ ბენიტესმა ახალწვეული დემბა ბა სასტარტო შემადგენლობაში გაამწესა და სენეგალელმა ფორვარდმაც „არისტოკრატობა“ დუბლით დაიწყო. სტუმართაგან პირველ სწორედ დემბა ბამ გაიტანა. ვიქტორ მოზესისა და ბრანისლავ ივანოვიჩის თითო გოლის შემდეგ, ბამ ერთხელაც საგოლედ გაისროლა, საბოლოო ანგარიში, 5:1 კი ფრენკ ლამპარდმა პენალტით დააფიქსირა.
ახალი წლის პირველი სკანდალის მიუხედავად რობერტო მანჩინიმ ძირითადში არა და მარიო ბალოტელი ბოლო 20 წუთით კი ათამაშა. „სიტიმ“ „ ჯანფრანკო ძოლას გუნდს, „უოტფორდს“ უმასპინძლა და კარლოს ტევესის, გარეთ ბარისა და მარკუშ ლოპეშის თითო გოლით, სოლიდურად, 3:0 მოიგო. ამ მატჩის საბოლოო ანგარიში მარკუშ ლოპესმა სწორედ ბალოტელის პასით დააფიქსირა.
ინგლისის თასის მე-3 საკვალიფიკაცო რაუნდის ყველა მატჩის ჩამონათვალს აქვე გაეცნობით. კიდევ ერთხელ შეგახსენებთ, რომ იმ წყვილებში, რომლებშიც ფრე დაფიქსირდა 15-17 იანვარს დამატებითი მატჩი გაიმართება.
ლონდონის „არსენალი“ უახლოეს მატჩს, ინგლისის თასის ნახევარფინალში, გამართა და „სუონსისთან“ 2-2 დასრულა. „მეთოფეთა“ თავკაცმა ამ მატჩის მნიშვნელობაზე ისაუბრა და არც ის დაუმალავს, რომ მისი ერთ-ერთი პრიორიტეტი, 8 წლიანი პაუზის შემდეგ, ინგლისის თასის კიდევ ერთხელ აღმართვაა.
ეხლა შემოგთავაზებთ შესაძლო შეხვედრებს მე-4 ტურში
„ნორვიჩ სიტი“ – „ლუტონი“ „ოლდჰემი“ – „მენფილდი“ ან „ლივერპული“ „მაკლფილდი“ – „უიგანი“ ან „ბორნმუტი“ „დერბი ქონტრი“ – „ბლექბერნი“ „ჰალი“ ან „ლეიტონ ორიენტი“ – „ბარნსლი“ „მიდლსბრო“ – „ოლდერშოტი“ „მილუოლი“ – „ასტონ ვილა“ „ლიდსი“ ან „ბირმინგემი“ – „ტოტენჰემი“ „ბრაიტონი“ – „სუონსი“ ან „არსენალი“ „კრისტალ პალასი“ ან „სტოკ სიტი“ – „მანჩესტერ სიტი“ „ვესტ ჰემი“ ან „მანჩესტერ იუნაიტედი“ – „ფულემი“ ან „ბლექპული“ „საუტენდი“ ან „ბრენტფორდი“ – „ჩელსი“ „რედინგი“ – „შეფილდ იუნაიტედი“ „ჰადერსფილდი“ – „ლესტერი“ „ქპრ“ ან „ვესტ ბრომვიჩი“ – „შეფილს უენსდეი“ ან „მაკ დონსი“ „ბოლტონი“ ან „სანდერლენდი“ – „ჩელტერჰემი“ ან „ევერტონი“