თბილისი:
მანჩესტერი:
29-02-2016, 23:04
ავტორი: RojoDiablo,
ნანახია: 2719,
კომენტარები: 10
ალექსანდრ ელაგინის პრესკონფერენცია "მანჩესტერ იუნაიტედის" შესახებ
რუსი ექსპერტი "მანჩესტერ იუნაიტედის" შესახებ საუბრობს.
ალექსანდრ ელაგინის პრესკონფერენცია
შეკითხვა: "როგორ მიგაჩნიათ, რატომ არ გამოსდის თამაში "იუნაიტედში" შნეიდერლინს"? გასაგებია, რომ "იუნაიტედი" წელს საშინელ ფეხბურთს თამაშობს, მაგრამ ზაფხულში შნეიდერლინს აღიქვამდნენ ადამიანად, რომელსაც დიდი ხანი უნდა დაეყო "იუნაიტედის" ნახევარდაცვაში, ახლა კი მხოლოდ იმედს აცრუებს თავისი თამაშით.

პასუხი: "არ გამოსდის არა მარტო შნეიდერლინს, არამედ მთელ გუნდს. არ მინდა, მოიესის ან ვან გაალის ადვოკატი ვიყო, მაგრამ მათ ურთულესი საქმე ერგოთ. დიდებული ფერგიუსონის ნაცვლად მოსვლა? როცა შენ შეგადარებენ თვით... ეს ძალიან რთულია".

ალექსანდრ ელაგინის პრესკონფერენცია "მანჩესტერ იუნაიტედის" შესახებ


შეკითხვა: "თუ "მანჩესტერ იუნაიტედს" მოურინიო ჩაიბარებს, შეძლებს თუ არა ჩამოყალიბებას გუნდისა, რომელიც "ბარსელონას" დონეზე ითამაშებს? თუ კი, რამდენ ხანში?

პასუხი: "გულახდილად რომ ვთქვა, დღესდღეობით ვერ ვხედავ მწვრთნელთა შორის მოურინიოს ალტერნატივას. პორტუგალიელი, რა თქმა უნდა, ზედგამოჭრილი არ არის, მაგრამ თავისი საქმე იცის. მაპატიეთ, მაგრამ ჩემპიონთა ლიგის მოგება "ინტერით" - ბევრს ნიშნავს. სწორედ ამ გამარჯვების შემდეგ აღვიქვი მოურინიო სხვაგვარად. დიდი სპეციალისტია. ფაქტია. დარწმუნებული ვარ, "ჩელსით" მოპოვებული ჩემპიონობის შემდეგ სეზონის შუა ნაწილში დაშვებულ შეცდომებს გაითვალისწინებს. ახლა მას რეაბილიტირება მართებს, თუმცა ვერ ვიტყვი, რომ რასაც ჰქვია, "ჩელსისთან" ერთად "ჩაფლავდა". ასეთი რამ ნებისმიერ მწვრთნელს ემართება. ვნახოთ, როგორ იგრძნობს თავს "ბარსასა" და "ბაიერნის" შემდეგ გვარდიოლა პრემიერ ლიგაში. ეს ძალიან საინტერესოა. მას არავინ მისცემს დროს. სხვა ეპოქაა. და კვლავ (თქვენ მაპატიეთ) შეგახსენებეთ, რომ ფერგიუსონი 1986 წელს ატკინსტონის შემცვლელად მიიწვიეს, პირველი ტიტული კი 1990 წელს მოიგო. 4 სეზონი ტიტულის გარეშე. პრემიერ ლიგაში 1993 წელს მოპოვებულ ჩემპიონობამდე: 11-2, მე-2, 11-ე, 13-ე, 6-ე, მე-2 ადგილები პირველ დივიზიონში. ეს არ უნდა დაგვავიწყდეს. სხვა დრო იყო. მადლობა ღმერთს, რომ მაშინ ფერგიუსონის სწამდათ!

შეკითხვა: "დარწმუნებული ვარ, მე პირველი არ ვიქნები, ვინც არ შეკითხვას დაგისვამთ და პრინციპში, გავიგებ, თუკი მას არ უპასუხებთ, მაგრამ მაინც. "მანჩესტერ იუნაიტედის" მომდევნო მწვრთნელი. გულშემატკივართა, ინგლისელ ექსპერტთა და სხვადასხვა ტაბლოიდთა უმრავლესობა დარწმუნებულია, რომ მომდევნო მწვრთნელი ჟოზე მოურინიო გახდება. როგორ ფიქრობთ, სჭირდება ასეთი მწვრთნელი "იუნაიტედს"? მოერგება კლუბის ისტორიულ ფილოსოფიას? ზოგს მყარად მიაჩნია, რომ არ უნდა დაგვავიწყდეს მისი "რეალი", რომელმაც სეზონში ნაჩვენები შედეგიანობის რეკორდი დაამყარა. ან კიდევ: გაჩნდა ინფორმაცია იმის შესახებ, რომ დევიდ გილი, სერ ბობი ჩარლტონი და სერ ალექს ფერგიუსონი მოურინიოს დანიშვნის წინააღმდეგნი არიან. მათი ფავორიტი კი რაიან გიგზია. ასე რომ, აი, ჩემი მეორე შეკითხვა. თუ არა ჟოზე, მაშ ვინ? მთავარი მწვრთნელის როლში რაიან გიგზი ასისტენტად მყოფი პოლ სქოულზით როგორი ვარიანტია? ან, იქნებ, ლორან ბლანი პსჟ-დან? სხვათაშორის, მან კარგი გუნდი ჩამოაყალიბა. და რა თქმა უნდა, არ უნდა დაგვავიწყდეს მაურისიო პოჩეტინო! ჩემი აზრით, ეს ძალიან საინტერესო განსახილველი თემაა და თითოეული მწვრთნელის დადებითისა და უარყოფითის შესახებ ცალსახა პასუხი არ მომისმენია. იმედი მაქვს, თქვენგან მოვისმენ".

პასუხი: "ამ შეკითხვას ზემოთ უკვე ვუპასუხე. გიგზის, სქოულზის შესახებ ვიტყვი, რომ ორივე მათგანს უდიდესი მოწიწებით ვეკიდები, მაგრამ "მანჩესტერ იუნაიტედის" მწვრთნელად მოურინიოს ვამჯობინებდი. არ გეკამათებით, რომ გიგზსაც შეიძლება გამოუვიდეს, მაგრამ (წარმოიდგინეთ საკუთარი თავი ვუდვორდის ადგილას), თუ არ გამოუვა? ოთხმოცდაათი 10-ის წინააღმდეგ, რომ მოურინიოს გუნდი ჩემპიონობისთვის იბრძოლებს. გიგზის? არ ვიცი. დარმუნებული არ ვარ. პოჩეტინომ "ესპანიოლიდან" დაიწყო. სახელი გაითქვა "საუთჰემპტონში", ახლა კი ისტორიას ქმნის "ტოტენჰემთან" ერთად. რაიანი - კლუბის ლეგენდაა! მაგრამ ძალიან სარისკოა მისთვის გუნდის ჩაბარება. სამწვრთნელო აღმასვლას საფეხბურთო კარიერის დასრულებიდან უმალ ბოლო დროს მხოლოდ ორმა მიაღწია - კრუიფმა და ბეკენბაუერმა. მაპატიეთ, მაგრამ გიგზის მიმართ ყოველგვარი პატივისცემის მიუხედავად, მას ვერანაირად ვერ დავაყენებ ამ გიგანტების გვერდით".

ალექსანდრ ელაგინის პრესკონფერენცია "მანჩესტერ იუნაიტედის" შესახებ


შეკითხვა:
"რას ფიქრობთ ხუან მატას გოლზე? იყო თამაშგარე? თამაშგარის ფიქსირების ახალი წესების თანახმად, იყო. ძალიან არაერთგვაროვანი სიტუაციაა".

პასუხი: "გულახდილად რომ ვთქვა - ეს იგივეა, რომ დერბიში კისრის მოტეხას ჩაუღრმავდე. მაპატიეთ, მზად არა ვარ".

შეკითხვა: "ალექსანდრ ვიქტოროვიჩ, გთხოვთ, მითხრათ, თქვენი აზრით, რატომ არ ათავისუფლებენ ლუი ვან გაალს? შანსი და მიზეზი ხომ უფრო მეტი იყო, ვიდრე მოიესის დროს"?

პასუხი:
"პრესაში გამოქვეყნებული მასალის თანახმად - კლუბს აკავებს კომპენსაციის თანხა, რომელიც მან კონტრაქტის ნაადრევად გაწყვეტისთვის უნდა გადაიხადოს. დავუშვათ, მოურინიოს უკვე შეუთანხმდნენ, მაგრამ პორტუგალიელს გუნდის ჩაბარება მიმდინარე სეზონის ბოლოს სურს. ამგვარად, განსახილველი თემა არსებობს.

შეკითხვა: "მე შემდეგი შეკითხვა მაქვს: "იუნაიტედში" ვან გაალის სამუშაო წელიწად-ნახევრის წინ კომბინაციური თამაშისა და შედეგის მოტანის იმედით დაიწყო. მაგრამ გავიდა დრო, ბევრი დრო და თამაში ჯერ კიდევ არ არის, ამის მიზეზი სამწვრთნელო მეთოდშია თუ მოთამაშეთა არაკომპეტენტურობაში (ან იქნებ უმოტივაციობაში)? ხომ არ ფიქრობთ, რომ საჭიროა მისი გათავისუფლება და გულშემატკივართა ტანჯვის შეწყვეტა"?

პასუხი: "გაიხსენეთ, როგორ თამაშობდა ჰოლანდიის ნაკრები 2014 წლის მსოფლიო ჩემპიონატზე. იქ რა, ზღაპრული თამაში იხილეთ? ესპანეთთან მატჩი გამონაკლისია. ეს იყო მსოფლიო ჩემპიონთა "შავი დღე". ჰოლანდიელებს ხომ მესამე ადგილის დონეზეც კი არ უთამაშიათ. გადაახვიეთ ჰოლანდიის მატჩები, ვფიქრობ, დამეთანხმებით. დიახ, ვან გაალი - პატივსაცემი მწვრთნელია (ეს განსახილველიც კი არ არის), რომელმაც ბევრი ტიტული მოიგო, მაგრამ იგი მოიწვიეს, ჩემი აზრით, მისი უკომპრომისობისა და მკაცრი ხასიათის გამო, რომ იგი დაამყარებდა დისციპლინას, წესრიგს. ჯერჯერობით არცთუ კარგად გამოსდის. მეორე მხრივ, ვუდვორდს არ ჰქონდა სხვა გამოსავალი. დევიდ მოიესის დროს გიგზისთვის გუნდის ჩაბარება მთელი სეზონით - სარისკო იქნებოდა".

ალექსანდრ ელაგინის პრესკონფერენცია "მანჩესტერ იუნაიტედის" შესახებ


შეკითხვა: "ალექსანდრ ვიქტოროვიჩ, თქვენი აზრით, როგორ უნდა დაეღწია თავი ჩავარდნისგან "იუნაიტედს" სერ ალექს ფერგიუსონის წასვლისა და "კლას 92-ის" ფეხბურთელთა კარიერის დასრულების შემდეგ? საერთოდ, შეიძლებოდა კი ამ ჩავარდნის თავიდან არიდება? და რა უნდა გააკეთოს "იუნაიტედმა", რომ ძველი დიდება დაიბრუნოს? თუ ფერგიუსონის სახით არსებული იღბალი მთელი საუკუნის ერთადერთი შემთხვევაა"?

პასუხი: "დიახ, ფერგიუსონი - ეს მთელი ეპოქაა. მისი შედარება ვინმესთან - შეუძლებელია. თუმცა, რატომ არის შეუძლებელი: და შენკლი, პეისლი "ლივერპულში", ვენგერი "არსენალში". რა აერთიანებთ მათ გარდა დიდი სამწვრთნელო ნიჭისა. ისინი არიან ადამიანები, რომლებიც თავიანთი საქმის ფანატიკოსები არიან. პიროვნებები, რომლებიც აღარ არსებობენ.

შეკითხვა: შეკითხვა "იუნაიტედის" შესახებ: "იუნაიტედის" გულშემატკივართა შორის ბოლო დროს აქტუალურია აზრი იმის შესახებ, რომ კლუბის ხელმძღვანელობას არ ჰყოფნის საფეხბურთო სახეები. შესანიშნავი ბიზნესმენები სხედან (მარტო "ადიდასთან" კონტრაქტი რად ღირს), მაგრამ ფეხბურთისა და ბიზნესის შერწყმა, შედეგად სინერგეტიკული ეფექტის მიღება (როგორც, მაგალითად, "ბაიერნში), არ გამოდის.

მცირე ხნის წინ ყოველგვარ სპორტულ მომენტზე პასუხს სერ ალექს ფერგიუსონი აგებდა პასუხს, კომერციულ საკითხებზე - დევიდ გილი. ახლა მთავარი კომერსანტი - ედ ვუდვორდია, ხოლო სპორტულ მენეჯერთან დაკავშირებით ნამდვილი უბედურებაა - ყოველგვარი მსგავსი პასუხისმგებლობის ვან გაალისთვის დაკისრებამ კრახი განიცადა.

თუ ბოლოდროინდელ შედეგებს შევაფასებთ: ჩვენი აკადემია დონით დაბალია არა მარტო მსოფლიო ლიდერებთან შედარებით, არამედ "სიტისთანაც" (გლეიზერებმა არასაკმარისი ფული ჩადეს, რადგან მათი აზრით, აკადემია cost effective-ა - აი, ეს ერგება კომერსანტს!); ორი წლისა და ბევრი-ბევრი ფულის ფონზე საკმაოდ საშუალო დონის შემადგენლობა გვყავს (სატრანსფერო პოლიტიკასთან დაკავშირებული საკითხი); თამაშისა და სატურნირო ცხრილში დაკავებული ადგილის შესახებ ვდუმვარ.

როგორ გგონიათ, სჭირდება კლუბს სპორტული დირექტორის თანამდებობა? რამდენად დამნაშავეა ამჟამინდელ სიტუაციაში ფაქტი, რომ ხელმძღვანელობაში (ფერგიუსონი უფრო მრჩეველია) სხედან ფეხბურთში ჩაუხედავი ადამიანები (იმავე "ბაიერნისა" და "ბარსელონასგან" გასხვავებით)"?

პასუხი:
"თქვენს შეკითხვაზე მთელი ანალიტიკური სტატიის დაწერაა საჭირო. სამწუხაროდ, ეს კონფერენციის ფორმატი არ არის. მოკლედ: ჩემი აზრით, აქ საქმე სპორტულ დირექტორში ან სხვა ფუნქციონერში არ არის. საქმე, პირველ ყოვლისა, სპორტულ წარმატებაშია, რომლის იმედიც ასე ჰქონდა ხელმძღვანელობას, რომელმაც მოიწვია ვან გაალი. ამით წარმატება კი ჯერ ისევ არ მოსულა. პარადოქსი - "მანჩესტერ იუნაიტედი" მსოფლიოს ერთ-ერთი ყველაზე შემოსავლიანი სპორტული პროექტია, მაგრამ დღესდღეობით გამარჯვება არ არის. ყველაზე საშიში, რაც "იუნაიტედმა" დაკარგა ფერგიუსონის წასვლისას - ეს არის ის, რომ მისი აღარ ეშინიათ. "მანჩესტერ იუნაიტედი" მეტოქეებს შიშს ვეღარ ჰგვრის! ამას ვერაფრით დაიჯერებდი სერ ალექსის დროს. ალბათ, მართალი ხართ, შესაძლოა, არასაკმარისი დრო ეთმობა აკადემიას, რეზერვს. მაგრამ ამის ნაკლებად მჯერა. "იუნაიტედში" ახალგაზრდებთან ყოველთვის კარგად მუშაობდნენ. ბოლოსდაბოლოს, 92-იანების თაობა ხომ ყოველთვის არ იქნება".

ალექსანდრ ელაგინის პრესკონფერენცია "მანჩესტერ იუნაიტედის" შესახებ


შეკითხვა: "რას იტყვით მემფისზე? მისი ჩემპიონატი არ არის? თუ ვან გაალი არ იყენებს სწორად? რას ფიქრობთ, რა უნდა მოუხერხონ შვიდიანს? იჯარა, ტრანსფერი თუ სხვა პოზიცია"?

პასუხი: "მემფისის შესახებ რუდ გულიტმა უაღრესად მართალი რამ თქვა: "ბიჭმა ფეხბურთზე უნდა იფიქროს და არა- ქალებსა და მანქანებზე". ალბათ, წაიკითხავდით დეპაისა და მისი გამოხტომების შესახებ. ფეხბურთი არ გაპატიებს მისდამი ასეთ მიდგომას. ნამდვილად, ბიჭმა ჭკუა დაკარგა. თავს თუ ხელში არ აიყვანს, ფეხბურთისთვის დაიკარგება. ეს მისი პრობლემაა".

შეკითხვა: "ბოლო პერიოდში "მანჩესტერ იუნაიტედიდან" ვან გაალის დათხოვნის შესახებ ბევრი იწერებოდა. როგორც ცნობილია, სერ ალექს ფერგიუსონის დროს, იმ დროს, როცა ბრიტანული ფეხბურთი ჯერ კიდეც ცოცხლობდა, კლუბში მწვრთნელები დიდხანს იმყოფებოდნენ. ახლა კი, თუ მაგალითად ავიღებთ დიდ კლუბებს, როგორიც "ჩელსი", "მანჩესტერ სიტი", "რეალი" და სხვები არიან, მწვრთნელთა ხშირ გამოცვლას მიმართავენ. როგორ გგონიათ, ალექსანდრ ვიქტოროვიჩ, "მანჩესტერს" დიდი ხნის წინ უნდა გაეთავისუფლებინა ვან გაალი, თუ ჰოლანდიელს კვლავ უნდა მისცეს შანსი და თავისი კონტრაქტის ამოწურვის საშუალება, ისეთმა დიდმა კლუბმა, როგორიც "მანჩესტერ იუნაიტედია", მხრებიდან უნდა მოიშოროს ეს ტვირთი, თუ კვლავ უნდა მოითმინოს და ბრამად ენდოს"?

პასუხი: "როცა ვან გაალი "იუნაიტედში" მოვიდა, დაგვპირდა, რომ გუნდს სამ წელიწადში ჩემპიონს გახდიდა. ერთი მხრივ - აცადეთ ჰოლანდიელს კონტრაქტის ამოწურვამდე მუშაობა. იქნებ, მართლაც შეძლოს. მეორე მხრივ - "მანჩესტერი" მართლაც მოსაწყენად თამაშობს მისი ხელმძღვანელობით. შირერმა თქვა, რომ "მანჩესტერ იუნაიტედის" თამაშების ყურება ამაზრზენია. ეს კი უკვე ბიზნესია. "იუნაიტედი" - პრემიერ ლიგის ყველაზე დასწრებადი გუნდია. და თუ ეს მოწყენილობა მოედანზე გაგრძელდება, მაყურებელს აუცილებლად დაკარგავს. ამის დაშვება შეუძლებელია. ეს ფული! ალბათ, ვან გაალის გაძევება-არ გაძევების საკითხს "იუნაიტედი" კალკულატორით ითვლის".

შეკითხვა: "რას ფიქრობთ "მანჩესტერ იუნაიტედში" დევიდ მოიესის ყოფნისა და მისი გაძევების შესახებ?"

პასუხი:
"ადამიანურად ძალიან შემეცოდა მოიესი. დარწმუნებული ვიყავი, რომ არაფერი გამოუვიდოდა. ფერგიუსონის შემდეგ მოსვლა - ეს, ასე ვთქვათ, გმირობაა. ეს იგივეა, რომ შეხვიდე გალიაში, სადაც ლომები და ვეფხვები არიან, წინა მომვლელის შემცვლელად. ასევე, ფერგიუსონმა იდეალურად შეარჩია დრო წასვლისთვის. ამ გუნდისგან მაქსიმუმი მიიღო. ეს იგრძნეს ფეხბურთელებმაც. მოიესს რთული დავალება ერგო წილად. ვწუხვარ. აი, ფერგიუსონს ადრე რომ მოეყვანა მოიესი და ამ "ვეფხვებისთვის" ადრევე მოემზადებინა, შესაძლოა, ყველაფერი სხვაგვარად ყოფილიყო. თუმცა, ვინ იცის..."
პრესკონფერენცია
10 კომენტარი
№1
ავტორი: Wardell
29 თებერვალი 2016 23:25
  • სიახლეები: 427
  • კომენტარები: 1582
ვახ ძალიან საინტერესო რაღაცეები ილაპარაკა, ვეთანხმები იმაში რომ ჟოზე უალტერნატივოა და ძალიან მინდა რო მოვიდეს, მაგრამ ამ ახალგაზრდა ბიჭებს რა ეშველებათ არ ვიცი :(

ჟურნალისტს ვერ დავეთანხმები რომ აკადემიას ყურადღება არ ექცევა, აგერ ბატონო ბოლო ორმა თვემ დაგვანახა რა აკედემია და ბიჭებიც გვყავს, მომავლის გუნდი უნდა გაკეთდეს, თუმცა ახლო წარმატებაზეც შეიძლება ფიქრი. გამოცდილი და ახალგაზრდული სისხლის შერწყმა იქნება იდეალური მაგრამ იზამს რო ამას ჟოზე? იდეაში ვან გაალი იდეალური კანდიდატია ახალგაზრდებისთვის, მაგრამ ვერა და ვერ აეწყო საქმე ისე როგორც უნდა და სადც არა სჯობს გაცლა სჯობსო ნათქვამია.
0
№2
ავტორი: GeorgeBest
29 თებერვალი 2016 23:38
  • სიახლეები: 1564
  • კომენტარები: 12134
გიგსზე ზუსტად ჩამოაყალიბა. ბევრჯერ მითქვამს და კიდევ ვიტყვი რომ მირჩევნია გიგზი იყოს და ამართლებდეს, ვან გაალის მოსვლაც მაგიტომ გამიხარდა რომ დიდ საქმეს იწყებდა და შემდეგ ამ გუნდის შენებას გიგზი გააგრძელებდა, თუმცა არაფერი გამოვიდა და ეხლა გიგზის ნდობა ყველაზე დიდი რისკია. მოურინიოს ფეხბურთი ყველაზე ნაკლებად მიყვარს, როგორც სტატიაში ითქვა სხვა ვარიანტი არ არის უბრალოდ

იმას რომ ჟოზე თავის საქმეში ერთ-ერთი საუკეთესოა არავინ უარყოფს და ამაზე დავა არც ღირს
0
№3
ავტორი: vincent
29 თებერვალი 2016 23:42
  • სიახლეები: 0
  • კომენტარები: 273
ყველაზე ნაკლებად მინდა,ჟოზე რომ მოვიდეს.არ ვგულისხმობ იმას რომ,მის პროფესიონალიზმშ ეჭვი მეპარება,მაგრამ მისი დამოკიდებულება ზოგადად ახალგაზრდების მიმართ ძალიან ცუდია,არადა ერთ-ერთი რაც მანჩესტერს სხვა კლუბებისგან განსხვავებული ქონდა,ის იყო ,რომ საკუთარი აკადემიის ბავშვებით იგებდა თასებს. ჟოზე რომ მოვიდეს,შეიძლება იმ წელსვე დადოს თასი,მაგრამ მე არამგონია 3 წელზე მეტი გაჩერდეს, და იმ 3 წლის მერე ისევ ასაწყობი იქნება გუნდი თავიდა. ჩემი აზრით პოჩეტინო და გიგზი უნდა იყოს მთავარი კანდიდატურები.
0
№4
ავტორი: s.a.b.a
1 მარტი 2016 07:31
  • სიახლეები: 0
  • კომენტარები: 164
Naxe rogor gvamcirebs ROM idzaxis iunaitedshi tamashi mtel guds AR gamozdiso
0
№5
ავტორი: RojoDiablo
1 მარტი 2016 08:00
  • სიახლეები: 7007
  • კომენტარები: 8685
ციტატა: s.a.b.a
Naxe rogor gvamcirebs ROM idzaxis iunaitedshi tamashi mtel guds AR gamozdiso

არა მგონია, ეგ დამცირება იყოს. ელაგინის კომენტარს ყოველთვის მოუთმენლად ველოდები და ვუსმენ ხოლმე, ამისგან კი არასდროს შემიმშჩნევია ვინმეს მიმართ სუბიექტური დამოკიდებულება. "იუნაიტედის" ფანია თვითონ, მაგრამ ლივერპულზეც, სიტიზეც და სხვებზეც ყოველთვის ობიექტურად საუბრობს, რადგან ექსპერტია, კომენტატორია და ეს ევალება. ამ შემთხვევაშიც, უბრალოდ ობიექტური აზრი გამოხატა, რომელსაც, ძნელია, არ დაეთანხმო.
0
_ _ _ _ _ _ _ _ _ _ _ _ _ _ _ _ _ _ _ _
If You Can't Support Us When We Lose, Don't Support Us When We Win
№6
ავტორი: Jorbe-Jorbe
1 მარტი 2016 09:16
  • სიახლეები: 8
  • კომენტარები: 1279
მართლაც საინტერესოდ ლაპარაკობს. კარგია ✌
0
№7
ავტორი: dachi_mu
1 მარტი 2016 10:10
  • სიახლეები: 0
  • კომენტარები: 1474
პირველ რიგში მადლობა ავტორს რო ეს ძაან საინტერესო სიახლე გადათარგმნა და დადო... ეხლა რაც შეეხება თვითონ ინტერვიუს..ნამდვილად გონება გახსნილი და საღად მოაზროვნე ადამიანი ჩანს ,და ძალიან სწორად მსჯელობს,მაგრამ გამაღიზიანა ჟურნალისტის კითხვამ შნეიდერლინზე..იმედს გვიცრუებს და ფლავდებაო..რა სისულელეა? როგორ შეიძლება ერთ მოთამაშეზე ჯოხის გადატეხა? ჯერ რუნი იყო გადაგდები ეგეთებს რო კითხო..მერე კარიკი..და ასე შემდეგ.. გუნდის ნგრევა მაშინ დაიწყო როცა ბაბუს ფილოსოფიის ნგრევა დაიწყო ამ სირმა ღაბაბამ.. და ეს დაიწყო ფეღბურთელების გაყრით გუნდიდან.. როგორ შეიძლებოდა ევრას გაშვება? ან. თუნდაც რომელიმე სხვისი გაშვება? როცა ბაზარზე არაა ისეთი მოთამაშე რო ჩაანაცვლო გუნდში.... ამ ხალხს ტიტულები ქონდა მოგებული გამოცდილება ქონდათ და ყველაფერი ქონდათ. არადოდეს შეელეოდა ფერგი მაგათ...
0
№8
ავტორი: chestersa
1 მარტი 2016 10:32
  • სიახლეები: 0
  • კომენტარები: 265
მოურინიოს მოსვლა დაუშვებელია!
ვიცით ყველამ რა სტილის მწვრთნელია მოგვბეზრდა მოსაწყენი თამაში და მაგიტომ გვინდა მწვრთნელის შეცვლა და არ მესმის მინიმალური მიზეზიც კი რატომ უნდა მოვიდეს მოურინიო როცა ყველამ კარგად ვიცით მისი გუნდები რა საზიზღარ ფეხბურთს თამაშობენ! არამგონია ეგ ამ სიტუაციაში მყოფი მანჩესტერის აღმზევებელი იყოს ვერ ვიტან ვან გაალს შემაძულა ფეხბურთი და გამინადგურა ნერვები მაგრამ თუ მოურინიოს მოყვანაზე მიდგა საქმე ისევ ვან გაალის დარჩენა მირჩევნია 100%-ით!

და მოურინიოს მოსვლა ძალიან მალე დე ხეას რეალში გაყიდვა და და უფრო მალე მატას გაშვება და ახალგაზრდების დაკარგვა ერთი იქნება თუ მოვა იბრას მოიყვანს მართალია მხიბლავს ეგ ბოლო იდეა თუმცა თუ იბრა მოვა ჩათვალეთ როშფორდი კი არა მარსიალიც ამოვარდება სასტავიდან! მოკლედ მე მოიესის მოყვანაზე დიდი უაზრობა მგონია მოურინიოს მოყვანა!
0
№9
ავტორი: ვახო ( G G M U)
1 მარტი 2016 10:41
  • სიახლეები: 0
  • კომენტარები: 4327
ყოჩაღ დუმბო ძალიან საინტერესო ინტერვიუ იყო და ფაქტიურად ამ ექსპერტმა ყველაფერი კარგად ჩამოაყალიბა. გიგზზე და მოურინიოზე რო არ დავეთანხმო არ შეიძლება, ზუსტად ისეა სიტუაცია როგორც მან აღწერა და მგონი, რომ ამ ეტაპზე გიგზისთვის გუნდის ჩაბარება ძალიან სარისკოა.
0
№10
ავტორი: AkkRed
1 მარტი 2016 17:45
  • სიახლეები: 74
  • კომენტარები: 4669
მე იმ მომენტში დავუჭერ მხარს გიგზის დაყენებას თუ ასისტენტად სქოულზს მოიყვანს, უბრალოდ მჯერა სქოულზის რომ გაართმევს თავს და გიგზზე მეტი დაკისრება ექნება, უბრალოდ როგორც გიგზი 2 წელია შტაბშია მაგ ვარიანტში დააყენებენ მწრთნელად.

ჟოზეც შეიძლება, მაგრამ მართლა ცოდოები არიან რეზერვები სულ გაიფანტებიან და იმ ბოლო იუნაიტედისგან არაფერიღა დარჩება
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

12 დეკემბერი 2019, 23:59
იუნაიტედი
ალკმაარი
ევროპა ლიგა
14 დეკემბერი 2019, 19:00
იუნაიტედი
ევერტონი
პრემიერ ლიგა
21 დეკემბერი 2019, 19:00
უოტფორდი
იუნაიტედი
პრემიერ ლიგა
ალკმაარი12 დეკემბერი
ევერტონი14 დეკემბერი
უოტფორდი21 დეკემბერი
SportsRecents.com

შემოგვიერთდი

წინა მატჩები

7 დეკემბერი 2019, 21:30
სიტი1
იუნაიტედი2
პრემიერ ლიგა
4 დეკემბერი 2019, 23:30
იუნაიტედი2
ტოტენჰემი1
პრემიერ ლიგა
1 დეკემბერი 2019, 20:30
იუნაიტედი2
ასტონ ვილა2
პრემიერ ლიგა
სიტი7 დეკემბერი
ტოტენჰემი4 დეკემბერი
ასტონ ვილა1 დეკემბერი

პრემიერ ლიგა

დამალვა
ვიდეო პორტალი
ყველა უფლება დაცულია

© MANUTD.GE 2012

Top