სერხიო რომერომ "მიდტიულანდთან" მატჩში დავიდ დე ხეას ტრავმის შემდეგ არაჩვეულებრივი თამაში აჩვენა და მომდევნო შეხვედრაც სასტარტო შემადგენლობაში დაიწყო.

რომეროს პირადი მატჩის წინა მზადება მხოლოდ იმას გულისხმობდა, რომ გასახდელ ოთახში მაისური მოირგო, მაგრამ ამას არგენტინელი არ შეუჩერებია და 28 ოქტომბრის შემდეგ სასტარტო შემადგენლობაში პირველად დაწყებული შეხვედრის შემდეგ, გუნდს უდიდესი დახმარება აღმოუჩინა.

"ოლდ ტრაფორდზე" დაბრუნების წინ მსოფლიო ჩემპიონატის ფინალისტმა ექსკლუზიური ინტერვიუ მისცა "იუნაიტედის" ოფიციალურ ჟურნალს და განაცხადა, რომ კვლავ მზად არის, კონკურენცია გაუწიოს დავიდ დე ხეას.

"იღბლიანი ვარ, რომ მშვიდი ვარ. ყოველთვის მზად უნდა ვიყო და თამაშის შანსს დაველოდო. დავიდს გახურებაში ვეხმარებოდი, შემდეგ ტრავმა მიიღო, მე კი გახურების საშუალება არ მომეცა, რადგან მხოლოდ ხუთი წუთი რჩებოდა მატჩის დაწყებამდე.

მაგრამ ჩემი თამაში მეტწილად ჩემს მენტალურ მდგომარეობაზეა დამოკიდებული. გონებრივად თავს კარგად და მშვიდად ვგრძნობ, პრობლემა არ მაქვს; შემიძლია გახურების გარეშეც ვითამაშო, თითქოს ნახევარი საათის განმავლობაში მოვმზადებულიყავი.

ჩემი სეივები გუნდს დაეხმარა და საშინაო მატჩის წინ უკეთეს მდგომარეობაში ვართ. სამწუხაროდ, სეივებს დიდი არაფერი მოჰყოლია, რადგან პოზიტიური შედეგით ვერ დავბრუნდით.

თუმცა, ჩემთვის ძალიან მნიშვნელოვანი იყო ეს სეივები, რადგან საკუთარ თავს ვუჩვენე, რომ ყოველთვის მზად ვარ სათამაშოდ და თანაგუნდელების დასახმარებლად, როდესაც შანსს მივიღებ".

რომეროს მიაჩნია, რომ მეორე ტაიმში პოლ ონუაჩუსთვის აღებული ბურთი მისთვის საუკეთესოა.

"ჩემს სიცოცხლეში ერთ-ერთი საუკეთესო სეივი იყო. კიდევ ერთი სეივი განვახორციელე, როცა "სამპდორიას" რიგებში "რომას" წინააღმდეგ ვთამაშობდი, რომელიც ამას ჰგავდა. შესაძლოა, ის სეივი ჩემგან იმდენს არ მოითხოვდა, მაგრამ ძალიან ჰგავდა ჩემი მოძრაობით.

ორივე შემთხვევა მშვენიერი იყო და პირადად მე მეუბნება, რომ ნებისმიერ დროს მზად ვარ, როცა მწვრთნელს დავჭირდები".

წყარო: manutd.com