ჟოზე მოურინიო ბედნიერია იმით, რომ სამუშაო არ აქვს, თუმცა მას "მანჩესტერ იუნაიტედის" მომავალ მთავარ მწვრთნელად მოიაზრებენ.

პრესის თანახმად, მოურინიომ "მანჩესტერ იუნაიტედთან" ჯენტლმენურ შეთანხმებას მიაღწია, თუმცა პორტუგალიელი კლუბს მხოლოდ ზაფხულში ჩაიბარებს.

მოურინიომ შეთავაზებები მიიღო იტალიური და ჩინური კლუბებისგან, თუმცა მხოლოდ "იუნაიტედი" დაუკავშირდა მის აგენტს, ჟორჟე მენდეშს.

თავის მომავალთან დაკავშირებით სინგაპურში მყოფმა მოურინიომ განაცხადა: "იმდენ რამეს ვკითხულობ! ერთ დღეს ყველაფერი შეთანხმებულია, მეორე დღეს - არა, მომდევნო დღეს ამბობენ, რომ ჩინეთში მივდივარ, მერე კი ამბობენ, რომ იტალიაში ვბრუნდები.

მილანში ჩავალ და ხალხი ფიქრობს, რომ "ინტერში" ვბრუნდები. ახლა აქ ვარ და ალბათ, იტყვით, რომ სინგაპურის ეროვნული ნაკრების გაწვრთნას ვაპირებ.

ყოველდღე ახალი რამ მესმის, მაგრამ რეალობა ის არის, რომ ჯერ სამუშაო არ მაქვს და ამჟამად ბედნიერი ვარ სამუშაოს უქონლობით".

წყარო: M.E.N.