"მანჩესტერ იუნაიტედმა" კომფორტული გამარჯვება მოიპოვა "შრუსბერი თაუნის" წინააღმდეგ (0-3) და ინგლისის თასის მე-6 რაუნდში გავიდა, სადაც "ვესტ ჰემს" შეხვდება. ვან გაალმა მატჩის შემდეგ მნიშვნელოვან თემებზე ისაუბრა.

მიმოხილვა

"კმაყოფილი ვარ. უნდა ვთქვა, რომ პირველი 70 წუთის განმავლობაში თამაშს ვაკონტროლებდით, ყოველ მეორე ბურთს ვიგებდით და ძალიან კარგად ვთამაშობდით. ბურთიც გვეჭირა და გოლებიც გავიტანეთ - უფრო მეტის გატანაც შეგვეძლო, ჩემი აზრით. 70 წუთის შემდეგ, 10 კაცით დარჩენილებს გაგვიჭირდა, მაგრამ იყო ფაზები, როცა ძალიან ადვილად ვფლობდით ბურთს, ასე რომ, ძალიან მოხარული ვარ ფეხბურთელთა თამაშით".

სწავლა

"ძალიან გამიხარდა ფეხბურთელების გამო პირველ ტაიმში ორი გოლის გატანა, რადგან მათ ძალიან სურდათ მოგება. სმოლინგის გოლის დროს ძალიან გაგვიმართლა, თუმცა მეორე გოლი ფანტასტიკური იყო, რადგან საჯარიმო დარტყმით გავიტანეთ - ეს "მიდტიულანდისგან" ვისწავლეთ. საჯარიმოს ასეთი შესრულება "მიდტიულანდისგან" გადავიღეთ და მატჩის წინ დანიაში მსაჯს ვკითხეთ, შეიძლებოდა თუ არა ასე გათამაშება, რაზეც მსაჯმა გვიპასუხა: "დიახ, ამის ნებას გაძლევთ". ვფიქრობ, ეს თამაშგარეა, მაგრამ კარგი, ისინი ამბობენ, რომ არ არის. ვფიქრობ, წესებში წერია, რომ მეკარის მხედველობის დაფარვა არ შეიძლება, მაგრამ მაშინ უნდა იყვნენ მსაჯები, რომლებიც გეტყვიან: "არა, ასე არ გამოვა". ამიტომაც მოვიქეცით ასე და გოლი გავიტანეთ - ცუდი არ არის!"

მომდევნო მატჩი

"დიახ, რა თქმა უნდა, "მიდტიულანდთან" დიდი შეხვედრა გველის, ჩემპიონთა ლიგაზე გასვლის შანსი აქედან გვაქვს. ბევრი მატჩი უნდა მოვიგოთ ამისთვის, მარამ გასვლის შანსი ჯერ კიდევ არის და ამიტომაც არის მნიშვნელოვანი. განგრძობითად უნდა ვითამაშოთ, ე.ი. აღდგენისთვის დასვენების საშუალება არ გვეძლევა. მოვლენებს დღიურად ვუდგებით, რაც სპორტში ძალიან მნიშვნელოვანია, რადგან ან იგებ, ან აგებ".

წყარო: manutd.com