ლუი ვან გაალმა "ოლდ ტრაფორდზე" მიღწეულ თავის შედეგზე ისაუბრა, რამეთუ აღნიშნა, რომ მოწინააღმდეგეს "მანჩესტერ იუნაიტედის" აღარ ეშინია.

ინგლისის თასის მეხუთე რაუნდის მატჩის წინ ყველა წინაპირობაა შექმნილი იმისთვის, რომ გუნდმა მორიგი მარცხი განიცადოს.

"სანდერლენდთან" და "მიდტიულანდთან" წაგებული ზედიზედ ორი მატჩის შემდეგ, ინგლისის თასიდან გავარდნით ვან გაალი კიდევ უფრო მიუახლოვდება კლუბის დატოვებას.

ჰოლანდიელმა ხაზი გაუსვა მის გუნდში არსებულ პრობლემებს და აღნიშნა, რომ "იუნაიტედმა" შიშის-ფაქტორი დაკარგა.

"თუ ბოლო ორ შეხვედრას გადახედავთ, შესაძლოა ასეც იყოს. მაგრამ ისინი კვლავ უნდა შევაშინოთ.

ფეხბურთელებს უკვე ვუთხარი, რადგან წაგებებით გაგრძელება აღარ შეიძლება, საკითხავი კი ის არის, როგორ დავაღწევთ თავს.

"შრუსბერი თაუნიც" იბრძოლებს მეორე ბურთისთვის და ითამაშებს პირდაპირ და მისთანები, მაგრამ ამ ყველაფერთან გამკლავება უნდა შეგეძლოს", - განაცხადა ვან გაალმა.

ევროპის ლიგაზე განცდილი მარცხი "იუნაიტედის" მწვრთნელის პოსტზე გატარებული წელიწად-ნახევრის განმავლობაში ვან გაალის ყველაზე ცუდი წაგება იყო, ალბათ.



ეს ყველაფერი მხოლოდ იმას ამტკიცებს, რომ მისი გუნდი ზედმეტად სუსტად გამოიყურება, რაც ვან გაალის აზრით, ლიგა ერთის მეტოქეებს დამატებით მოტივაციას შესძენს.

როცა ჰკითხეს, "შრუსბერი" ითამაშებდა გიგანტთა მკვლელის როლს თუ არა, ჰოლანდიელმა უპასუხა: "შესაძლოა. ამის იმედი მაქვს, რადგან ამით მხოლოდ ვისარგებლებთ".

"შრუსბერი" ვან გაალის პოტენციურად მძიმე კვირის დასაწყისს შეუწყობს ხელს, რადგანაც ზეწოლა სულ უფრო იზრდება.

ჟოზე მოურინიოს განცხადება იმის თაობაზე, რომ კლუბები მას თავად დაეძებენ, ედ ვუდვორდს სწრაფად მოქმედებას აიძულებს.



მიუხედავად იმისა, გაიმარჯვებს ვან გაალი თასზე ან გავა ევროპის ლიგის მომდევნო რაუნდში თუ არა, "არსენალთან" წაგება უფრო მეტ ნათელს მოჰფენს მის მომავალს.

ჯერჯერობით კი ლუი კვლავ გუნდის ვითარებაზე საუბრობს.



"როცა მოვედი, პირველი მატჩი პრემიერ ლიგაში "სუონსისთან" წავაგეთ. თუმცა გასულ სეზონში სახლში მაინც კარგი შედეგი ვაჩვენეთ და ჯერ კიდევ შეგვიძლია ამის გაკეთება. საკითხი მხოლოდ მატჩების ზედიზედ მოგებაში დგას".

თასზე "იუნაიტედის" შანსების შესახებ მან განაცხადა: "აქ საკითხი ასე დგას: ყოველი მატჩი უნდა განიხილო როგორც ერთი მატჩი და მოიგო.

ორშაბათს უნდა მოვიგოთ, შემდეგ მეორე რაუნდში ვიქნებით. ინგლისის თასის მოგება შეგვიძლია, რადგან "სუონსის" სახლში მოვუგეთ, "უოტფორდს" კი გასვლაზე. "ჩელსის" გასვლაზე ვეთამაშეთ.

ეს ყოველთვის შესაძლებელია".

წყარო: M.E.N.