"მანჩესტერ იუნაიტედის" მცველმა კრის სმოლინგმა თანაგუნდელებს მოუწოდა, რომ ევროპის ლიგის საპასუხო შეხვედრაში გულშემატკივარს უკეთესი მატჩი აჩვენონ, ვიდრე ეს დანიაში გააკეთეს.

სმოლინგმა აღიარა, რომ გუნდის თამაში კარგი არ იყო და გულშემატკივარს დაპირდა, რომ საპასუხო შეხვედრაში უკეთესად ითამაშებენ.

"ეს იყო თამაში, რომელიც მიუღებელია. გულშემატკივარი, რომელიც ჩვენთან ერთად ჩამოვიდა და მთელი მატჩის განმავლობაში უდიდეს მხარდაჭერას გვიმჟღავნებდა, უნდა დავაჯილდოოთ. ვფიქრობ, ყველამ ვიცით, რომ ცუდად ვითამაშეთ.

პირველი ტაიმის მიწურულს გოლის გაშვება ნამდვილად არ დაგვხმარებია, მეორე ტაიმში ისეთივე თავდაჯერებულობით ვერ გამოვედით და ბევრ ორთაბრძოლასა და მეორე ბურთს ვაგებდით.

მატჩებში, რომელშიც ეთამაშები გუნდს, რომელიც "მანჩესტერ იუნაიტედზე" მცირეა, ორთაბრძოლები და მეორე ბურთები აუცილებლად უნდა მოიგო. თუ ამას ვერ აკეთებ, მოედანზე მარცხდები. ასე რომ, შედეგის გამო მხოლოდ საკუთარი თავი უნდა დავადანაშაულოთ.

დე ხეა ჩვენი გეგმების მთავარი ნაწილი იყო, მაგრამ ჩვენს თამაშს მის ან სხვების ტრავმას ვერ დავაბრალებთ.

"მიდტიულანდი" პრესინგს მიმართავდა, როგორც გუნდი, ძალიან კარგად მოქმედებდა და ვფიქრობ, უბრალოდ ამაში ვერ ავუბით მხარი. მეორე ტაიმში აგრესია გვაკლდა და ბოლოს სამაგიეროც მივიღეთ".

წყარო: manutd.com