"მანჩესტერ იუნაიტედის" მთავარი მწვრთნელი ლუი ვან გაალი არ ფიქრობს, რომ მის გუნდს წინ ადვილი მატჩი ელის და დანიურ გუნდთან სირთულეების წარმოქმნას ვარაუდობს.

არა ნაკლებ 13 ფეხბურთელისა ვერ დაეხმარება "წითელ ეშმაკებს" ევროპის ლიგის 1/16 ფინალის პირველ მატჩში, რომელსაც "იუნაიტედი" "მიდტიულანდის" წინააღმდეგ გამართავს. სხვა ტრავმირებულებს, ბოლოს მარუან ფელაინი, უეინ რუნი და კამერონ ბორტუიკ ჯექსონიც შეემატნენ.

დანიაში რამდენიმე ახალგაზრდა ფეხბურთელი ჩაფრინდა გუნდთან ერთად, ლუი ვან გაალმა კი აღნიშნა, რომ დონალდ ლავსა და უილ კინს შესაძლოა, სასტარტო შემადგენლობაში მისცეს თავის გამოჩენის საშუალება.

ბოსს მიაჩნია, რომ "მიდტიულანდის" მთავარი იარაღი კუთხურები და საჯარიმო დარტყმები იქნება, თუმცა მისმა გუნდმა მოწინააღმდეგის დამარცხება მიუხედავად დიდი დანაკლისისა, უნდა შეძლოს.

"მიდტიულანდი", რომელიც კარგი გუნდია, უნდა დავამარცხოთ. ჩვენთვის რთული სქემით თამაშობენ. "სანდერლენდმა" აჩვენა და "მიდტიულანდიც" იგივე სქემით: 4-1-4-1 თამაშობს.

ისინი სტანდარტულ მდგომარეობებზე განსაკუთრებულ აქცენტს აკეთებენ - მათი გოლების 48% სწორედ ასეთი მდგომარეობიდან გააქვთ. ამიტომ ვეცდებით, შესაბამისად მოვემზადოთ, მაგრამ რთული იქნება. იმედი გვაქვს, ამას მოვახერხებთ, მაგრამ ბევრი კუთხური და საჯარიმო დარტყმა არ უნდა დავანიშვნინოთ.

მაღალი ფეხბურთელები არ გვყავს, თუმცა ეს პირველ რიგში ვიცით. მათი სიმაღლის გამო სხვა ფეხბურთელებს ვერ ავირჩევ. 26-მოთამაშიანი გუნდი გვყავს, რომელთაგან 13 ტრავმირებულია, რამდენიმე მათგანი კი მეორე გუნდში დაშავდა. ფეხბურთელი ყოველთვის უნარის მიხედვით თუ შევარჩიო და არა - სიმაღლის, თუმცა ეს პრობლემაა.

პირობებიც არ გვაქვს იოლი. ვნახე, რომ მოედანი უფრო პატარაა, ვიდრე ჩვეულებრივ, ასე რომ, აქ "მიდტიულანდის" დამარცხება ადვილი არ იქნება, რაც ბევრმა გუნდმა გამოსცადა".

ვან გაალმა გასულ კვირაში აღნიშნა, რომ ევროპის ლიგა ინგლისის თასთან ერთად პრიორიტეტულ ტურნირთა სიაში შედის, მაგრამ ამჯერად დაადასტურა, რომ მის პირადი პრიორტიტეტი ინგლისური ტიტულისკენ უფრო იხრება, რადგანაც "აიაქსთან" ერთად უკვე აქვს უეფა-ს თასი მოგებული.

ჰოლანდიელმა აღნიშნა, რომ "იუნაიტედი" ძალიან სერიოზულად უდგება ევროპის რანგით მეორე ტურნირს, რადგანაც მისი საშუალებით პირდაპირ შეიძლება ჩემპიონთა ლიგაზე მოხვედრა, თუმცა წინამდებარე გამოწვევას სათანადოდ აფასებს.

"უეფა-ს თასი უკვე მოგებული მაქვს და ინგლისშიც მინდა ტიტულის მოგება - ამიტომ მოვედი ამ ქვეყანაში. დიდი ხანია არ მოგვიგია ინგლისის თასი, მაგრამ "მანჩესტერ იუნაიტედისთვის" ევროპის ლიგის მოგება უფრო მნიშვნელოვანია, რადგან ამ გზით ჩემპიონთა ლიგაზე ითამაშებს.

თუმცა რთულია მისი მოგება, რადგან ევროპის ლიგაზე კარგი გუნდები ასპარეზობენ. ჯერ კიდევ ბევრი რაუნდია გასავლელი, მაგრამ ამ გზით შეიძლება ჩემპიონთა ლიგაზე მოხვედრა. ფანტასტიკური მიზანია ამ თასის მოგება, რადგან "მანჩესტერ იუნაიტედს" არასდროს მოუგია იგი".

წყარო: manutd.com