პრემიერ ლიგის 26-ე ტურის პირველი მატჩი "სინათლის სტადიონზე" შედგა, სადაც ერთმანეთს ადგილობრივი "სანდერლენდი" და "მანჩესტერ იუნაიტედი" დაუპირისპირდნენ.

მასპინძლებმა ანგარიში მე-3 წუთზე გახსნეს, თავის გამოჩენა "შავი კატების" ახალწვეულმა, ვაჰბი ხაზრმა მოახერხა. ვან გაალის გუნდმა წონასწორობის აღდგენა 39-ე წუთზე შეძლო. მატას დარტყმული მანონემ მოიგერია, რის შემდეგაც დასწრებაზე მარსიალმა ითამაშა და თავისი მე-8 გოლი გაიტანა პრემიერ ლიგაში.

მეორე ტაიმში მასპინძლებმა რამდენჯერმე სახიფათოდ შეუტიეს, რამაც შედეგი 82-ე წუთზე გამოიღო. კუთხურიდან ჩაწოდებულ ბურთზე კონემ ითამაშა და საკუთარ გუნდს გამარჯვება მოუპოვა.

26 ტურის შემდეგ "წითელ ეშმაკებს" მხოლოდ 41 ქულა აქვთ და მეოთხეადგილოსან თანაქალაქელებს 6 ქულით ჩამორჩებიან, რომლებმსაც თადარიგში 1 მატჩი აქვთ.

სანდერლენდი – მანჩესტერ იუნაიტედი 2:1

გოლები: 1:0 ხაზრი (3'), 1:1 მარსიალი (39'), 2:1 დე ხეა (82' ს.კ.)
გაფრთხილებები: იედლინი, ოში, რუნი, მატა, კერიკი
სტადიონი: "სინათლის სტადიონი", სანდერლენდი
მონაცემი: ინგლისის პრემიერ ლიგა, 26-ე ტური
მთავარი მსაჯი: ანდრე მარინერი

შემადგენლობები

სანდერლენდი: მანონე, ო'ში, კონე, იედლინი, ვან აანჰოლტი, კირხოფი (როდუელი 15'), მ’ვილა, კატერმოლი (ტოივონენი 85'), ნ’დოიე, ხაზრი, დეფო (ბორინი 71').

მანჩესტერ იუნაიტედი: დე ხეა, სმოლინგი, ბლინდი, ბორთუიკ-ჯექსონი, დარმიანი (ლავი 37'), შნეიდერლენი (კინი 86'), კერიკი, ლინგარდი (დეპაი 62'), მატა, მარსიალი, რუნი.