"მანჩესტერ იუნაიტედმა" შესაძლოა, დიდი ტრანსფერი განახორციელოს, თუკი, როგორც ესპანური გამოცემა Sport-ი იტყობინება, მადრიდის "რეალი" ზაფხულში ხამეს როდრიგესის გაყიდვას დათანხმდება.

ედ ვუდვორდს კოლუმბიელი სუპერვარსკვლავის გადაბირება სურს, თუმცა იგი არ იქნება ერთადერთი შენაძენი, რადგანაც "იუნაიტედი" კვლავ უნდა დაუბრუნდეს ევროპის წამყვან კლუბთა რიგებს.

The Express-ის თქმით, "იუნაიტედმა" უკვე გამართა მოლაპარაკეკები ფეხბურთელის წარმომადგენლებთან და 24 წლის ხამესს ესპანეთის დედაქალაქიდან გადაბარგება ნამდვილად სურს.

რაფაელ ბენიტესის ხელმძღვანელობით ხამესი წარმატებულად ასპარეზობდა, მაგრამ "რეალიდან" მისი წასვლის შემდეგ ვეღარ ახერხებს მაღალ დონეზე თამაშს და ფიქრობს, რომ კლუბის გამოცვლა ფორმის აღდგენაში დაეხმარება.

ამავდროულად, the Star-ი იტყობინება, რომ ჟოზე მოურინიოს "ოლდ ტრაფორდზე" გადასვლა გარდაუვალობაა და ასეთივე გარდაუვალია ისიც, რომ პორტუგალიელი 300 მლნ. ფუნტს მიიღებს ტრანსფერების განსახორციელებლად, რათა "იუნაიტედი" პრემიერ ლიგის ჩემპიონი გახადოს.

"ჩელსის" ყოფილ მწვრთნელს ჩემპიონთა ლიგასა და შიდა ჩემპიონატში წარმატების მიღწევა დაევალება.

დაბოლოს, თუ მილანის "ინტერი" ჩემპიონთა ლიგაზე მომდევნო სეზონის საგზურს ვერ მიიღებს, "იუნაიტედი" 34.9 მლნ. ფუნტად მაურო იკარდის შეძენას ეცდება - Tuttosport.

22 წლის თავდამსხმელმა მიმდინარე სეზონში 10 გოლი გაიტანა და სერია A-ში წარმატებით ასპარეზობას განაგრძობს.

წყარო: M.E.N.