"ჩელსისთან" მატჩში უეინ რუნიმ თავის ანგარიშზე 2016 წელს მესამე საგოლე გადაცემა გააკეთა, რითაც ჯესი ლინგარდმა ანგარიში გახსნა. შედეგად, უეინის ანგარიშზე 5 გოლი და 3 საგოლე გადაცემაა 2016 წელს, რაც გოლ+პასი სისტემით ჩემპიონატის საუკეთესო შედეგია.

"იუნაიტედისა" და ინგლისის ნაკრების კაპიტანმა პრემიერ ლიგის პირველ 15 მატჩში მხოლოდ ორი შედეგიანი დარტყმა და ერთი საგოლე პასი განახორციელა, "წითელი ეშმაკები" კი შეტევაში ფანტაზიის უკმარისობას განიცდიდნენ.

მიუხედავად თავისი შესაძლო არასრული პოტენციალის გამოვლენისა, "იუნაიტედის" შეტევამ მოძრაობისა და კრეატიულობის ნიშნები გამოავლინა, რომელიც უფრო მეტად ჰგავს სერ ალექს ფერგიუსონის ჩემპიონ გუნდს.

"იუნაიტედმა" (13) მასპინძელ "ჩელსის" (11) შექმნილი მომენტების რაოდენობით აჯობა, კარში 7-ჯერ დაარტყა, ხოლო "ლურჯებმა" 5-ჯერ.

თუმცა დიეგო კოშტას მიერ 91-ე წუთზე გატანილი გოლით შეხვედრაში ანგარიში გათანაბრდა და ლუი ვან გაალის შეგირდებმა გამარჯვება ხელიდან გაუშვეს. ახლა "წითელი ეშმაკები" მეოთხე ადგილზე მყოფ "მანჩესტერ სიტის" 6 ქულით ჩამორჩებიან.

უეინ რუნის ანგარიშზე პრემიერ ლიგაში გატანილი 7 გოლია და თუ 30 წლის ფეხბურთელი ფორმას შეინარჩუნებს, "იუნაიტედი" ნამდვილად დაეწევა თავის კონკურენტებს მეოთხე ადგილისთვის ბრძოლაში.