"მანჩესტერ იუნაიტედის" ნახევარმცველმა ხუან მატამ ლონდონის "ჩელსისთან" შეხვედრის მიწურულს გაშვებული გოლის გამო მწუხარება გამოხატა.

"წითლები" მატჩში ჯესი ლინგარდის გოლით დაწინაურდნენ, მაგრამ 91-ე წუთზე დიეგო კოშტამ დავიდ დე ხეასა და კამერონ ბორტუიკ-ჯექსონის ერთობლივი წინააღმდეგობის მიუხედავად მოახერხა ანგარიშის გათანაბრება.

"ძალიან კარგი ფეხბურთი ვითამაშეთ. "ჩელსიში" ჩამოსვლა ადვილი არ არის, მაგრამ პირველ 30 წუთსა და მეორე ტაიმში კარგად ვითამაშეთ - ძალიან ახლოს ვიყავით.

მაგრამ "ჩელსი" ყოველთვის ახდენდა ზეწოლას და გვიანდელი გოლი გაიტანეს, ჩვენ კი მორიგი გოლის გასატანად დრო აღარ გვქონდა. სამწუხაროა".

მატას, რომელმაც შეცვლაზე გასვლისას ორივე გუნდის გულშემატკივართაგან აპლოდისმენტები მიიღო, მიაჩნია, რომ ბოლო დროინდელი კარგი შედეგები გუნდის კარგი თამაშის დამსახურებაა.

"როცა იმარჯვებ და თამაშობ კარგ ფეხბურთს, თვითრწმენა იზრდება. ვფიქრობ, ახლა ვაჩვენებთ, რომ მაღალი დონის ფეხბურთის თამაში შეგვიძლია და მიმზიდველ, შემტევ ფეხბურთს ვთამაშობთ.

სწორედ ამის გაკეთებას ვცდილობთ - სწორედ ამის ნახვა სურთ გულშემატკივრებს, ასე რომ, მაქსიმუმს გავიღებთ თითოეულ მატჩში. ვფიქრობ, ბოლო სამ თუ ოთხ შეხვედრაში მართლაც კარგად ვითამაშეთ".

წყარო: manutd.com