ლუი ვან გაალმა ხუან მატას მიანიშნა, რომ კარგი თამაში უნდა განაგრძოს, თუ ანდრეას პერეირას ჩრდილში მოქცევა არ სურს.

მიმდინარე სეზონის უმეტეს ნაწილში ესპანელი ფეხბურთელი მარჯვენა ფლანგზე გვევლინებოდა, მაგრამ ბოლო ორი შეხვედრა სიღრმეში შეწეულმა ჩაატარა და ვან გაალის გუნდს "დერბისა" და "სტოკის" წინააღმდეგ გამარჯვებების მოპოვებაში დაეხმარა.

პერეირამ პრემიერ ლიგის მიმდინარე გათამაშებაში მხოლოდ 4 შეხვედრა ჩაატარა, "სტოკის" წინააღმდეგ კი მატა შეცვალა.

ვან გაალი ბედნიერია, რომ მატა თავის როლს წარმატებით ართმევს თავს, მაგრამ მიანიშნა, რომ ადგილის შენარჩუნებისთვის ესპანელს ბრძოლა მოუწევს.

"მატა იმავე პოზიციაზე ადრეც ვათამაშე. ალბათ, გახსოვთ. მატასთვის როლი არ შემიცვლია, იგი თვითონ შეიცვალა, რადგან იქ საკმარისად კარგად ვერ თამაშობდა. ეს არის მიზეზი.

თუ მატა ისევე ითამაშებს, როგორც ახლა ითამაშა, "ათიანის" როლს აუცილებლად მოირგებს. უნდა ვნახოთ, "ჩელსისთანაც" მოახერხებს თუ არა კვირას ასე თამაშს. შესაძლოა, ჩემი მეორე ათიანი უკეთესი იყოს, ვიდრე მატა - შესაძლოა, ანდრეას პერეირა უკეთესია.

ამას თქვენთან არ განვიხილავ, მატასთან კი განვიხილავ. ხუან მატამ იცის და შესაძლოა, ამიტომაც თამაშობს ახლა უკეთ", - განაცხადა ვან გაალმა.

წყარო: goal.com