გუშინ პრემიერ ლიგის 24-ე ტურის პირველ სათამაშო დღეს "მანჩესტერ იუნაიტედმა" საშინაო არენაზე "სტოკ სიტის" უმასპინძლა. აღსანიშნავია, რომ ამ მატჩამდე ვან გაალის გუნდმა პრემიერ ლიგის ეგიდით ჩატარებული საშინაო მატჩების პირველ ნახევარში მხოლოდ 1 გოლის გატანა შეძლო.

შეხვედრაში მასპინძლები სწრაფადვე დაწინაურდნენ და 23-ე წუთისთვის უკვე 2 ბურთიანი სხვაობით ამარცხებდნენ მეტოქეს. მე-14 წუთზე ჯესი ლინგარდმა მოახერხა მეტოქის კარის აღება, ზუსტად 9 წუთში ენტონი მარსიალმა ულამაზესი დარტყმით ანგარიში 2-მდე გაზარდა.

მეორე ტაიმში უპირატესობას კვლავ "წითელი ეშმაკები" ფლობდნენ. 53-ე წუთზე უეინ რუნიმ მატჩის საბოლოო ანგარიში დააფიქსირა და "იუნაიტედის" მაისურით თავისი 244-ე გოლი გაიტანა.

მანჩესტერ იუნაიტედი - სტოკ სიტი 3-0

გოლები: ლინგარდი (14'), მარსიალი (23'), რუნი (53')
გაფრთხილებები: დარმიანი, მარტიალი – აირლანდი
სტადიონი: "ოლდ ტრაფორდი", მანჩესტერი
მონაცემი: ინგლისის პრემიერ ლიგა, მე-24 ტური
თარიღი: სამშაბათი, 2 თებერვალი, 2016 წელი
მთავარი მსაჯი: როჯერ ისტი

შემადგენლობები:

მანჩესტერ იუნაიტედი: დე ხეა, სმოლინგი, ბლინდი, დარმიანი, ბორთუიკ-ჯექსონი, ფელაინი (ერერა 80'), კერიკი, მატა (პერეირა 88'), ლინგარდი, რუნი, მარსიალი (დეპაი 79).

სტოკი: ბატლანდი, ვოლშაიდი (ბერდსლი 30'), მუნიესა, გ.ჯონსონი, პიტერსი, ველანი, აფელაი, კრკიჩი (აირლანდი 60'), არნაუტოვიჩი, უოლტერსი, კრაუჩი.