ენტონი მარსიალმა აღნიშნა, რომ "მანჩესტერ იუნაიტედის" ფეხბურთელებისთვის საგოლე გადაცემების გადაწოდება ისეთივე სიამოვნებას ანიჭებს, როგორსაც გოლის გატანა.

საფრანგეთის ნაკრების ფეხბურთელი კლუბში ცენტრალური ფორვარდის ამპლუაში მოვიდა, გოლი კი სადებიუტო შეხვედრაში "ლივერპულის" წინააღმდეგ გაიტანა, რასაც შემდეგ "საუთჰემპტონთან" დუბლი მოჰყვა. ფლანგზე გადაყვანის შემდეგ მან თავისი თამაშის მეორე მხარე აჩვენა და "წითლების" მაისურით პირველად გააკეთა ორი საგოლე პასი ერთ მატჩში "დერბის" წინააღმდეგ.

მარსიალი თავის პირველ სეზონს წარმატებით ატარებს და აცხადებს, რომ ინგლისური ფეხბურთის შესახებ დადებითი აზრი გასულ სეზონშიც ჰქონდა.

"ყოველთვის მადარებდნენ ალტრუისტურ (სხვის კეთილდღეობაზე მზრუნველი) ადამიანს. ამას ხშირად მეუბნებოდნენ. ასე რომ, გოლის გატანაც და საგოლე პასის გაკეთებაც ძალიან ბევრს ნიშნავს ჩემთვის. საბოლოოდ ხომ ყველაზე მნიშვნელოვანი გუნდის გამარჯვებაა.

ვფიქრობ, მნიშვნელოვანია ბევრი შრომა და გაუმჯობესება, რათა გუნდს ტიტულების მოგებაში და ჩემპიონატის ცხრილის მწვერველაზე დაბრუნებაში დავეხმარო. რამდენიმე გუნდია, რომელთა წინააღმდეგ გოლის გატანა მინდა, მაგრამ ჯერ არ გაგიმხელთ.

ყოველდღე ნიჭიერ ფეხბურთელებთან ერთად ვარჯიშით ვუმჯობესდები. განსაკუთრებით უეინ რუნისთან ერთად, მისგან ბევრს ვსწავლობ. რუნი ჩემი შთაგონების წყაროა, ასე რომ, მეც შემიძლია გავხდე დიდი ფეხბურთელი".

წყარო: manutd.com