თბილისი:
მანჩესტერი:
28-01-2016, 23:31
ავტორი: Wardell,
ნანახია: 2465,
კომენტარები: 10
"კიდევ ერთი წაგების უფლება არ მაქვს"
მატჩის წინა პრესკონფერენცია.
ლუი, ოთხეულთან სხვაობა 5 ქულამდე გაიზარდა პრემიერ ლიგაში. რამდენად მნიშვნელოვანია ეს სათასო დაპირისპირება?

არ ვფიქრობ, რომ "დერბისთან" მატჩი და პრემიერ ლიგაში შექმნილი სიტუაცია რამენაირადაა დაკავშირებული ერთმანეთთან. ეს ინგლისის თასია. როგორც ყველა მონაწილეს, ჩვენც გვსურს ამ ტურნირის მოგება. ეს ტურნირი ძალიან პოპულარულია, ამბიცია ყველას აქვს - ძალიან მნიშვნელოვანი გათამაშებაა, რადგან ტიტულის მოპოვების კიდევ ერთი შანსი გეძლევა. სწორედ ამ მიზეზების გამო უნდა გავაკეთოთ მაქსიმუმი და დავეუფლოთ თასს.

შაბათს საღამოს იმედგაცრუებულისა და დაღლილის შთაბეჭდილებას ტოვებდით. მას შემდეგ ხასიათი გამოგიკეთდათ? ახლა უკეთ გრძნობთ თავს? ხართ ყველაფრის შეცვლისთვის მზად?

ეს ყოველთვის ასეა, როდესაც მარცხდები, თანაც უკანასკნელ წუთებზე - ასე განვითარებული მოვლენების შემდეგ, ყოველთვის იმედგაცრუებული ხარ. არ ვფიქრობ, რომ ყოველთვის ჩვენი თამაშია პრობლემის მიზეზი - შესაძლოა, ცუდად ითამაშო, მაგრამ გამარჯვებული გამოხვიდე. მაშინ კი არ ხარ იმედგაცრუებული. თუმცა, ამასთან, შესაძლოა, ითამაშო ძალიან კარგად და დამარცხდე, როგორც, მაგალითად, ეს მოხდა შარშან "ჩელსისთან" გასვლით შეხვედრაში. ასეთ სიტუაციაში იმედი გიცრუვდება ისე, როგორც არასდროს. მწვრთნელის და ასევე მოთამაშის ვალდებულებაა, ასეთი შემთხვევების შემდეგ კვლავ ბევრი იშრომონ, რადგან სწორედ ეს არის პროფესიონალიზმი.

გავრცელდა ხმები, რომ თქვენ გსურდათ გუნდის დატოვება "საუთჰემტონთან" მარცხის შემდგომ...

არა მგონია, როდისმე ეს მეთქვას. თქვენ თავად იგონებთ ამ ისტორიებს, მე კი მიწევს გამოგონილი ისტორიების ირგვლივ გაჩენილ კითხვებს ვუპასუხო. მე ამის გაკეთებას არ ვაპირებ, რადგან, ჩემი აზრით, თქვენ რასაც წერთ, ეს არის საზიზღრობა და აუტანელი რამ - არ ვიცი, პირადად თქვენ გაქვთ თუ არა ამის შესახებ დაწერილი, თუმცა თქვენი კოლეგები წერენ და შემდგომ მე მიწევს ამ სისულელეებზე საუბარი. არ ვფიქრობ, რომ პრესკონფერენცია არის იდეალური ადგილი მსგავსი თემების განსახილველად. როდესაც თქვენ თხზავთ და იგონებთ ახალ-ახალ ისტორიებს - ხალხი იჯერებს ამ ყველაფერს. მე უამრავი მირეკავს და მწერს, რადგან მათ სჯერათ თქვენი დაწერილის... ნუ, კარგი, ასეთია მსოფლიო. თქვენ შეგიძლიათ, წეროთ ყველაფერი, რაც მოგესურვებათ და ამის გამო პასუხს არ აგებთ. ეს უკვე მესამე შემთხვევაა, როცა მე "მათავისუფლებენ" დაკავებული თანამდებობიდან, თუმცა, როგორც ხედავთ, მე ისევ აქ ვარ. აქ ვარ, რადგან ვალდებული ვარ, ეს გავაკეთო. რა თქმა უნდა, არის რამდენიმე ჟურნალისტი, რომელიც მომწონს, რადგან ისინი სვამენ სწორ და ადეკვატურ კითხვას, თუმცა ბევრი თქვენგანი ამას უპატივცემულოდ აკეთებს.

თქვენ ბევრ სხადასხვა ქვეყანაში გაქვთ ნამუშევარი და ამ ყველაფრისთვის მზად უნდა ყოფილიყავით. არ ელოდით ამხელა ყურადღებას?

მე ყოველთვის მქონდა ნდობა.

ლუი, "დერბისთან" მატჩში თქვენზე დიდი ზეწოლა იქნება. სერ ალექს ფერგიუსონი და სხვა მწვრთნელებიც იყვნენ ცუდ ვითარებაში. ინგლისის თასი კი ერთგვარად გადასარჩენი ბილეთი იყო, როდესაც მათ პრობლემები ჰქონდათ. იქნებ, თქვენ შემთხვევაშიც სწორედ ეს ტურნირი გახდეს რთული მდგომარეობიდან გამოსვლის საწინდარი?

დიახ, რა თქმა უნდა, თუმცა როდესაც მარცხდები, სიტუაცია კიდევ უფრო რთული ხდება. მე ამის შესახებ "საუთჰემტონთან" მატჩის წინაც ვისაუბრე. არ მაქვს უფლება, კიდევ ერთხელ დავმარცდე, რადგან ჩემი მეოთხედ "გაგდების" საკითხი დადგება დღის წესრიგში. შესაძლოა, იმ შემთხვევაში სიმართლეც დაწეროთ, რადგან ასეთი რაღაც ხშირად ხდება.

ეს იმას ნიშნავს, რომ ხვალინდელ შეხვედრაში აუცილებლად უნდა გაიმარჯვოთ?! და სხვა რეზულტატი არ მიიღება?

ინგლისის თასზე საჭიროა გამარჯვება, როდესაც მარცხდები, ემშვიდობები ტურნირს.

პრესკონფერენცია
10 კომენტარი
№1
ავტორი: GeorgeBest
28 იანვარი 2016 23:42
  • სიახლეები: 1546
  • კომენტარები: 12134
წაგებას ვინ ჩივის, კარში რო ვერ არტყამთ ეგააა დიდი უბედურება
0
№2
ავტორი: Wardell
28 იანვარი 2016 23:52
  • სიახლეები: 427
  • კომენტარები: 1582
ბოლოს ისეთი მოარტყა რო წააგოს მგონი მართლა გაუშვებენ, მარა ამას არ წააგებს მერე სტოკი მოგვჭიმავს და მერე ჩელსისთან კარგად ვითამაშებთ ფრეს და მერე მოვიგებთ და ესე გაიწელება სეზონის ბოლომდე და არსად არ წავა ეს :/
0
№3
ავტორი: Goginashvili777
29 იანვარი 2016 00:01
  • სიახლეები: 423
  • კომენტარები: 1576
არ მაქ პრეტენზია ყველა მოგებულ მატჩზე !! ფეხბურთი ითამაშე, შეუტიე და სანახაობა დადგით და სულ ნუ მოგიგიათ.. ნუ გვატირებთ ბერიკაცს areyoukiddingme
0
_ _ _ _ _ _ _ _ _ _ _ _ _ _ _ _ _ _ _ _ რასაცა გასცემ შენია! , რაც არა ხო ისედაც შენია smoke
№4
ავტორი: SAF
29 იანვარი 2016 01:00
  • სიახლეები: 0
  • კომენტარები: 692
ეს უნდა წავაგოტ თორე მერე ამის გაგდება გვიანაც იქნება წელს ოთხეულში უნდა შევიდეთ თორემ უკვე ფინანსურადაც დაგვერხევა!
0
_ _ _ _ _ _ _ _ _ _ _ _ _ _ _ _ _ _ _ _ "ყველაზე დიდი გამოწვევა ჩემთვის წყეული "ლივერპულის" დამხობაა, შეგიძლიათ სიტყვა-სიტყვით დაბეჭდოთ."-1986 წელი,ფერგი.
№5
ავტორი: Martial
29 იანვარი 2016 01:34
  • სიახლეები: 54
  • კომენტარები: 468
ბევრ ჭორს უგორებენ, თვითონ არ წავა არანაირად :))
0
№6
ავტორი: nika_nikusha
29 იანვარი 2016 09:59
  • სიახლეები: 0
  • კომენტარები: 276
ძაან არ მინდა ამის თქმა მარა მართლა გამიხარდება ამის გაგდების ფასად თუ წავაგებთ
0
№7
ავტორი: ვახო ( G G M U)
29 იანვარი 2016 10:21
  • სიახლეები: 0
  • კომენტარები: 4327
მაგარი ნერვებზე ითხრება როცა ჟურნალისტები მის წასვლაზე უსვავენ კითხვას, მაგრამ ეს არ არის მოგონილი კითხვები რა თქმა უნდა. აბა ამას რა ეგონა, რომ თუ ოლდტრაფორდზე ნორვიჩთან და სოტონთან წააგებდა არავინ არაფერს არ ეტყოდა??? თუმცა მარტო წაგებას ვინ ჩივის, კარში დარტყმა გვენატრება areyoukiddingme
0
№8
ავტორი: RojoDiablo
29 იანვარი 2016 13:13
  • სიახლეები: 6998
  • კომენტარები: 8684
აი ამ ზეწოლის ფონზე ვერ აძლევს შანსს ახალგაზრდებს. არადა, ასეთ შეხვედრებში უნდა ათამაშო ხოლმე, მაგრამ ახლა რომ გარისკოს და წააგოს, მერე უარეს მდგომარეობაში იქნება, ამიტომ დღეს ძლიერ შემადგენლობას გამოიყვანს.
0
_ _ _ _ _ _ _ _ _ _ _ _ _ _ _ _ _ _ _ _
If You Can't Support Us When We Lose, Don't Support Us When We Win
№9
ავტორი: redarmy10
29 იანვარი 2016 16:27
  • სიახლეები: 0
  • კომენტარები: 167
მგონი ჯობს ისევ ჰოლანდიის ნაკრებს დაუბრუნდეს და თავი დაგვანებოს ამოვიდა ყელში ამდენი გინებაა
0
№10
ავტორი: Count Alucard
29 იანვარი 2016 22:33
  • სიახლეები: 28
  • კომენტარები: 1979
უკვე დიდი ხანია აღარ აქ წაგების უფლება, მაინც აგებს და ვპატიობთ... მოთმინებასაც აქვს საზღვარი და უნდა შეუშვას ტვინში, რომ შეცვალოს რაღაც გუნდის ტაქტიკაში და სხვანაირად აათამაშოს...
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

20 ოქტომბერი 2019, 18:00
იუნაიტედი
ლივერპული
პრემიერ ლიგა
24 ოქტომბერი 2019, 20:45
პარტიზანი
იუნაიტედი
ევროპა ლიგა
27 ოქტომბერი 2019, 18:00
ნორვიჩი
იუნაიტედი
პრემიერ ლიგა
ლივერპული20 ოქტომბერი
პარტიზანი24 ოქტომბერი
ნორვიჩი27 ოქტომბერი
SportsRecents.com

შემოგვიერთდი

წინა მატჩები

6 ოქტომბერი 2019, 19:30
ნიუკასლი1
იუნაიტედი0
პრემიერ ლიგა
3 ოქტომბერი 2019, 20:45
ალკმაარი0
იუნაიტედი0
ევროპა ლიგა
30 სექტემბერი 2019, 23:00
იუნაიტედი1
არსენალი1
პრემიერ ლიგა
ნიუკასლი6 ოქტომბერი
ალკმაარი3 ოქტომბერი
არსენალი30 სექტემბერი

პრემიერ ლიგა

დამალვა
ვიდეო პორტალი
ყველა უფლება დაცულია

© MANUTD.GE 2012

Top