სალამი ყველას,

ჩემი ჩანაწერი კვლავ უსიამოვნებას ეძღვნება. რამდენიმე მატჩიანი წაუგებელი სერიის შემდეგ "ოლდ ტრაფორდზე" "საუთჰემპტონთან" 1-0 დავმარცხდით. ეს მართლაც საწყენია. შესანიშნავი შანსი გვქონდა ჩვენს აქტივში სამი ქულის დასამატებლად, 2016 წლის წარმატებული შედეგების გასაგრძელებლად, მაგრამ ვერ მოვახერხეთ. არც ერთ გუნდს არ უჩვენებია კარგი თამაში. ფრე სამართლიანი შედეგი იქნებოდა (თუმცა არცთუ სასიამოვნო ჩვენთვის), მაგრამ ჩარლი ოსტინის გვიანდელმა გოლმა სამივე ქულა სტუმრებს არგუნა. თქვენთვისაც და ჩვენთვისაც კიდევ ერთი უსიამოვნო მომენტია, მაგრამ უნდა დავძლიოთ. მესმის თქვენი იმედგაცრუების, ჩვენც ხომ იმავეს ვგრძნობთ. მაგრამ ჩვენს გზაზე სიარული უნდა გავაგრძელოთ.

ფეხბურთი ერთი წამითაც არ ჩერდება. ძალიან მალე ინგლისის თასზე ვითამაშებთ. ამ თასის მოგება გვსურს. ყოველთვის, როცა კარგ შედეგს ვერ ვაღწევთ, იმედი გვიცრუვდება, მაგრამ კიდევ ერთი ასეთი შედეგი თითოეულ ჩვენგას გაანაწყენებს. თქვენ გამო უფრო შედეგიანად უნდა ვითამაშოთ. იმედი მაქვს, რომ ამ მშვენიერ ტურნირზე ეს გამოგვივა. "დერბი ქაუნთის" წინააღმდეგ ვთამაშობთ, გუნდის, რომელსაც მდიდარი ისტორია აქვს. მათ ბევრ რამეს მიაღწიეს, განსაკუთრებით სამოცდაათიანებში. მაგრამ, როგორც უკვე ვთქვი, იმედი მაქვს, რომ კარგ მატჩს ჩავატარებთ, შემდეგ რაუნდში გავალთ და კარგი შედეგების ახალ სერიას დავიწყებთ.

მადლობას გიხდით რთულ პერიოდში თქვენი მხარდაჭერისთვის. შემიძლია დაგარწმუნოთ, რომ ჩვენი მიზანი თამაშის დალაგებაა, რომელიც მიზნად პრემიერ ლიგის სატურნირო ცხრილში მაღლა სვლასა და ინგლისის თასის მოგებას ისახავს. ყველას მადლობას გიხდით. დარწმუნებული ვარ, რომ ადრე თუ გვიან ყველაფერი დალაგდება და მიღწეული წარმატებით დავტკბებით, როცა გვეცოდინება, რად დაგვიჯდა.

გეხვევით, ხუანი.