ლუი ვან გაალს მიაჩნია, რომ "ლივერპულის" დამარცხების შემდეგ "მანჩესტერ იუნაიტედს" კვლავ შესწევს პრემიერ ლიგის მოგების ძალა.

78-ე წუთზე უეინ რუნის მიერ გატანილმა გოლმა "იუნაიტედს" გამარჯვება მოუტანა და ახლა "წითელი ეშმაკები" ლიდერ "არსენალს" შვიდი ქულით ჩამორჩებიან.

"ლივერპულის" დამარცხება ყოველთვის მნიშვნელოვანია. დღეს იმიტომ იყო მნიშვნელოვანი, რომ ჩვენმა კონკურენტებმა ქულები დაკარგეს და როცა პირველ ადგილთან ასეთი ჩამორჩენა გვაქვს, ყველაფრის აღმოფხვრა შეიძლება. აი ამას ვფიქრობ".

რაც შეეხება იმას, თუ რას ფიქრობდა ტიტულისთვის ბრძოლაში მისი გუნდის შანსებზე, ლუიმ განაცხადა: "წინ ბევრი მატჩი გვაქვს. 2016 წელი კარგად დავიწყეთ, ბევრი გამარჯვება მოვიპოვეთ და ფრე ვითამაშეთ - არ წაგვიგია.

ეს მატჩი უდიდესი ბიძგი იქნება ფეხბურთელებისთვის, გულშემატკივართათვის და "მანჩესტერ იუნაიტედთან" დაკავშირებული ნებისმიერი ადამიანისთვის - უნდა გავაგრძელოთ, რა თქმა უნდა.

ადვილი არ იქნება, ეს დღესაც დავინახეთ, მაგრამ ამის ძალა შეგვწევს, რადგან ყოველკვირა ვაჩვენებთ, რომ ეს შეგვიძლია".

წყარო: skysports