უეინ რუნიმ აღნიშნა, რომ "ლივერპულის" წინააღმდეგ გატანილი გამარჯვების გოლით სიამოვნების გრძნობა სამუდამოდ გაჰყვება.

კაპიტანმა "ენფილდზე" 78–ე წუთზე გაიტანა გოლი, რითაც 2005 წლის იანვრის შემდეგ "ლივერპულის" სტადიონზე უგოლო სერია დაასრულა, თავის გუნდს კი ოთხ მატჩში მესამე გამარჯვება მოუპოვა.

"ენფილდზე" გოლის გატანით, რომელიც დიდი ხნის შემდეგ გავიდა მას შემდეგ, რაც ბოლოს გავიტანე, ჩემს პირველ წლებში, გავთავხედდები და ამით ყველაზე მეტად დავტკბები", – განაცხადა "იუნაიტედის" კაპიტანმა.

30 წლის ფეხბურთელი ახლა პრემიერ ლიგის ერთი გუნდის მაისურით გატანილი გოლების რაოდენობით რეკორდსმენია, მაგრამ კაპიტანმა აღნიშნა, რომ ეს ემოცია ვერც კი შეედრება იმას, რასაც "ენფილდზე" გამარჯვების გოლის გატანა იწვევს.

"სიმართლე გითხრა, რეკორდის შესახებ არაფერი ვიცოდი. რა თქმა უნდა, რეკორდის დამხობა დიდებულია, მაგრამ არა მგონია, იმ გრძნობას გადააჭარბოს, რასაც ახლა განვიცდი.

ყველამ იცის, რამდენად მნიშვნელოვანია ეს მატჩი პოზიციების მიუხედავად; თუნდაც ბოლო ადგილზე ან ბოლოდან მეორეზე ვიმყოფებოდეთ. ორივე საფეხბურთო კლუბისა და გულშემატკივართათვის უდიდესი მატჩია.

დიდებული გამარჯვება და სამი ქულა მოვიპოვეთ, რაც წლის კარგი დასაწყისისთვის გვჭირდებოდა".

პირველი ტაიმის შემდეგ "იუნაიტედმა" თამაშში გამოასწორა და რუნიმ მარუან ფელაინის მიერ ხარიხასთვის გარტყმულ ბურთზე დამატებით ანგარიში გახსნა. კაპიტანს მიაჩნია, რომ მოგება უფრო მნიშვნელოვანია, ვიდრე თამაში.

"რთული მატჩი იყო. "ლივერპული" ძალიან გვიტევდა და დავიდ დე ხეამ რამდენიმე დიდებული სეივი განახორციელა. საბედნიეროდ, შანსი მივიღე და გამოვიყენე.

დღეს ასეთი მნიშვნელოვანი არ იყო თამაშის ჩვენება; ყველაფერი, რასაც მნიშვნელობა აქვს, გამარჯვებაა. ვიცოდით, რამდენად მნიშვნელოვანი იყო ეს შეხვედრა და პირველ ტაიმში რამდენიმეჯერ შევახსენეთ ფეხბურთელებს მე და მწვრთნელმა, რომ "ჩვენ "ლივერპულს" ვეთამაშებით, უფრო მეტად უნდა ვიბრძოლოთ და ბურთი სწრაფად ვამოძრაოთ".

მეორე ტაიმში ეს მოვახერხეთ. "ლივერპულმა" საქმე გაგვირთულა პირველ ნახევარში, მაგრამ შანსი გამოვიყენეთ და გამარჯვებით ბედნიერები ვართ".

წყარო: manutd.com