ლუი ვან გაალი მზად იქნება იურგენ კლოპის "აგერსიული" ფეხბურთისთვის.

ვან გაალმა ბუნდესლიგა "ბაიერნში" გატარებულ პირველივე სეზონში მოიგო 2009/10 წლებში, მაგრამ მომდევნო სეზონში მისი გუნდი 10 ქულით ჩამორჩა კლოპის "ბორუსიას" და სეზონში ორივე მატჩი წააგო მომავალ ჩემპიონთან, ვან გაალმა კი "რეკორდმაისტერი" დატოვა.

ეს ტიტული მხოლოდ მერვე გამოდგა "ბორუსიასთვის" და პირველი, ცხრა წლის განმავლობაში. როცა ჰკითხეს, თუ როგორ მიაღწია ამას მისმა ახალგაზრდა და ნაკლებად გამოცდილმა კოლეგამ, ვან გაალმა განაცხადა:

"ისინი თამაშობდნენ აგრესიულ ფეხბურთს, რომელსაც ახლა კლოპი "ლივერპულთან" ერთად აჩვენებს. იმ დროს გერმანული გუნდები ამას არ იყენებდნენ.

მას ჰყავდა ძალიან კარგი გუნდი ისეთი ფეხბურთელებით, როგორებიც არიან რობერტ ლევანდოვსკი, მარკო როისი და მატს ჰუმელსი. ისინი შესანიშნავ ფორმაში იმყოფებოდნენ, კარგად თამაშობდნენ და აჩვენებდნენ ისეთ აგრესიულ ფეხბურთს, როგორსაც ახლა აქ აჩვენებს".

კლოპის სტილისთვის დამახასიათებელ კიდევ ერთ ნიშანზე ისაუბრა ვან გაალმა და აღნიშნა, თუ რატომ არ იყენებს ტექნიკურ ზონას მისი კოლეგის მსგავსად.

"ყოველ მწვრთნელს აქვს იდენტურობა, პერსონალურობა და საკუთარი ფილოსოფია.

რა თქმა უნდა, ჩემი კარიერის დასაწყისში ამას მეც ვაკეთებდი, მაგრამ არა მგონია, გვერდითი ხაზიდან მატჩზე გავლენა იქონიო, ეს არის ჩემი გამოცდილება. გავლენას მოთამაშეთა შეცვლით, მათთან საუბრით მოახდენ და ხანდახან ვაკეთებ ამას კიდესთან მისვლით, თუმცა არა 90 წუთის განმავლობაში. ამის არ მჯერა. კლოპს ჰკითხეთ, რატომ იქცევა ასე".

ვან გაალმა თვისი მრისხანება 1995 წლის ჩემპიონთა ლიგის ფინალში გამოვლინა, როცა "აიაქსის" ფეხბურთელის წაქცევისთვის "მილანის" კარში პენალტი არ დაინიშნა.

"ჰაერში ავხტი, რათა მსაჯის ასისტენტისთვის მეჩვენებინა, რა გაუკეთა მოედანზე მარსელ დესაილიმ იარი ლიტმანენს.

ჩემი აზრით, პენალტი იყო, მაგრამ მსაჯმა არ ჩასტვინა! მსაჯს ჩემი სახელი და საქციელი ჯერ კიდევ ემახსოვრება.

გვერდითი ხაზიდან გავლენას ვერ მოახდენ. არა მგონია, ინგლისელ მსაჯზე გულშემატკივარი ან მწვრთნელი გავლენას ახდენდეს.

ვფიქრობ, ტექნიკურ ზონაში არყოფნა შენი გრძნობების კონტროლიც არის. ბევრ გულშემატკივარს ვიცნობ, რომელიც მწვრთნელის მსგავსად აჩვენებს ამას, მაგრამ ეფექტი უფრო მნიშვნელოვანია, ვიდრე ამის ჩვენება".

წყარო: manutd.com