ლუი ვან გაალს მიაჩნია, რომ "იუნაიტედი" არასდროს იქნება ისეთ მდგომარეობაში, როგორშიც ამჟამად იმყოფება "ლივერპული" და არასდროს დასჭირდება მომდევნო ტიტულისთვის მოსაგებად კიდევ ერთი 26 წელიწადი.

"წითელ ეშმაკებს" სერ მეტ ბასბის უკანასკნელი ტრიუმფის შემდეგ (1967) სერ ალექს ფერგიუსონის პირველ ტრიუმფამდე (1993) 26–წლიანი ლოდინი დასჭირდათ.

ფერგიუსონმა, როგორც დაგვპირდა, "წყეული "ლივერპული" დაამხო" და კლუბი ინგლისის ყველაზე ტიტულოვან გუნდად აქცია.

მაგრამ შოტლანდიელის მიერ 2013 წელს მოპოვებული თასი ჯერჯერობით უკანასკნელია "იუნაიტედისთვის".

"ლივერპულის" დიდების ერა 70–ანი და 80–ანი წლებით თარიღდება, მაგრამ კლუბი 1990 წლის შემდეგ ვეღარ ახერხებს პირველ ადგილზე გასვლას, მაისში კი უტიტულო პერიოდი 26 წელიწადს მიაღწევს.

ვან გაალს მიაჩნია, რომ იგივე ბედს "იუნაიტედი" არ გაიზიარებს:

"ვერ წარმომიდგენია, რომ იგივე შეემთხვეს "მანჩესტერ იუნაიტედს". ამას ვერ წარმოვიდგენ.

მაგრამ, თუ ეს დაემართა "ლივერპულს", შეიძლება "მანჩესტერ იუნაიტედსაც" დაემართოს, მაგრამ წარმოუდგენელია, რადგან გარდაქმნის პროცესში ვართ და სწორი გზით ვვითარდებით.

შესაძოა, "ლივერპულს" უფრო მეტი დრო დასჭირდეს, მაგრამ იგივეს "მანჩესტერ იუნაიტედის" შემთხვევაში ვერ წარმოვიდგენ – ეს ძალიან დიდი, კარგად ორგანიზებული კლუბია და ჩვენ გვაქვს ინფრასტრუქრუქტურა, რომელსაც ყოველწლიურად ვავითარებთ".

"იუნაიტედი" ნოემბერში პირველ ადგილზე ყოფნის შემდეგ ვერ ახერხებს კარგი თამაშის ჩვენებას და ამ პერიოდში გუნდმა შესაძლო 24 ქულიდან მხოლოდ ცხრა მოიპოვა, რაც ტიტულისთვის ბრძოლას ართულებს.

"პრემიერ ლიგა ახლა გაცილებით უფრო რთულია, ვიდრე 10 წლის წინ იყო. მაშინ "ლივერპულისა" და "იუნაიტედის" განსხვავება სხვა დანარჩენ კლუბებთან უფრო დიდი იყო, ვიდრე ახლა არის.

რა თქმა უნდა, ჯერ კიდევ შეიძლება იმის თქმა, რომ ცუდად ვთამაშობთ, რადგან "მანჩესტერ იუნაიტედი" პრემიერ ლიგის ცხრილში პირველ სამეულში უნდა იყოს და იგივე ეხება "ლივერპულსაც", ჩემი აზრით.

მაგრამ სამეულში სეზონის ბოლოს უნდა იყო და არა ახლა. ეს უკეთესია, ვიდრე პირველი, ამაში გეთანხმებით, მაგრამ ჯერ კიდევ იმ სამ წელიწადში ვართ, რომელიც აქ უნდა გავატაროთ, გარდაქმნის პროცესში და შესაძლოა, მიზეზი ესეც იყოს.

მაგრამ ისევ ვიტყვი, რომ პირველი ადგილისთვის უნდა ვიბრძოლოთ. ახლა კი ვერ ვიბრძვით, რადგან "ნიუკასლის" წინააღმდეგ ვერ ვიგებთ. "ნიუკასლთან" შეიძლება დამარცხდე კიდეც, ეს არ არის პრობლემა, მაგრამ, როცა ხუთი წუთი დაგრჩა სათამაშოდ და 3–2 იგებ, მატჩი უნდა აკონტროლო.

მაგალითად, "ჩელსიმ" შარშან შეძლო, ჩემპიონმა ეს უნდა შეძლოს".

წყარო: M.E.N.