პრემიერ ლიგის 21-ე ტურში "მანჩესტერ იუნაიტედი" "ნიუკასლს" დაუპირისპირდა. მატჩი საკმაოდ დაძაბული უხვგოლიანი გამოდგა. პირველი გოლი სწრაფადვე გავიდა, უეინ რუნიმ თერთმეტრიანის ზუსტად შესრულება მოახერხა და საკუთარი გუნდი მე-9 წუთზე წინ გაიყვანა. 38-ე წუთზე მანჩესტერელთა კონტრშეტევას მეორე გოლი მოჰყვა. რუნის გადაცემით ლინგარდმა ისარგებლა და ანგარიში 0-2 გახადა. მასპინძლებმა ტაიმის მიწურულს სხვაობის შემცირება მოახერხეს, თავი ჯორჯინიო ვეინალდუმმა გამოიჩინა.

69-ე წუთზე მიტროვიჩმა ანგარიშის გათანაბრება მოახერხა თერთმეტმეტრიანის წყალობით. 79-ე წუთზე უეინ რუნიმ დუბლი გაიფორმა და კვლავ დააწინაურა გუნდი, თუმცა "ნიუკასლმა" მატჩის გადარჩენა მაინც მოახერხა, 90-ე წუთზე დამეტმა დე ხეას შანსი არ დაუტოვა და საბოლოო ანგარიში, 3-3 დააფიქსირა.

ნიუკასლი – მანჩესტერ იუნაიტედი 3:3

სტადიონი: "სენტ ჯეიმს პარკი"
გოლები: რუნი (9'), ლინგარდი (38'), ვეინალდუმი (42'), მიტროვიჩი (67'), რუნი (79'), დამეტი (90')
გაფრთხილებები: ტიოტე, ფელაინი, ერერა, სმოლინგი
მთავარი მსაჯი: მაიკ დინი

ნიუკასლი: კრული, კოლოჩინი, მბემბა, იანმაატი, დამეტი, ტიოტე (ტონეი 85'), კოლბეკი (გუფრანი 81'), პერესი (სიმ დე იონგი 92'), ვეინალდუმი, სისოკო, მიტროვიჩი.

მანჩესტერ იუნაიტედი: დე ხეა, ბლინდი, სმოლინგი, იანგი, დარმიანი, ფელაინი, შნეიდერლენი, ერერა (მატა 75'), ლინგარდი (დეპაი 64'), მარსიალი, რუნი.