გუშინ პრემიერ ლიგის მე-20 ტურის მატჩში "მანჩესტერ იუნაიტედმა" "სუონსის" უმასპინძლა. ვან გაალის გუნდმა 6 მატჩიანი მოუგებელი სერია შეწყვიტა და ნანატრი გამარჯვება მოიპოოვა.

მასპინძლები მეორე ტაიმის დასაწყისშივე დაწინაურდნენ, 47-ე წუთზე იანგის ჩაწოდების შემდეგ მარსიალმა მოახერხა ანგარიშის გახსნა. სტუმრებმა საპასუხო გოლი 70-ე წუთზე გაიტანეს, თავი სიგურდსონმა გამოიჩინა. ზუსტად 7 წუთში მარსიალის გადაცემით უეინ რუნიმ ისარგებლა და საბოლოო ანგარიში, 2-1 დააფიქსირა.

ვან გაალის გუნდი 20 ტურის შემდეგ 33 ქულით მე-5 ადგილზე იმყოფება. შემდეგ ტურში მანჩესტერელები "ნიუკასლს" დაუპირისპირდებიან.

მანჩესტერ იუნაიტედი - სუონსი 2:1

გოლები: მარსიალი (47'), სიგურდსონი (70'), რუნი (77')
სტადიონი: "ოლდ ტრაფორდი", მანჩესტერი
მონაცემი: ინგლისის პრემიერ ლიგა, მე-20 ტური
თარიღი: შაბათი, 2 იანვარი, 2016 წელი
მთავარი მსაჯი: ჯონათან მოსი

შემადგენლობები

მანჩესტერ იუნაიტედი: დე ხეა, სმოლინგი, ჯონსი (დარმიანი), ბლინდი, იანგი (მაკნეირი), შნეიდერლინი, შვაინშტაიგერი, ერერა (კერიკი), მატა, მარსიალი, რუნი.

სუონსი: ფაბიანსკი, ტეილორი, უილიამსი, რანხელი, ფერნანდესი, კი, სიგურდსონი, კორკი, როუტლიჯი (მონტერო), ბრიტონი (ბეროუ), აიუ (გომისი).