"მანჩესტერ იუნაიტედის" ფორვარდი უეინ რუნი და ვინგერი ჯესი ლინგარდი ინგლისის წლის საუკეთესო ფეხბურთელისა და ინგლისის წლის საუკეთესო 21-წლამდე ფეხბურთელის ნომინანტები გახდნენ შესაბამისად.

რუნი, რომელიც კლუბსა და ნაკრებში კაპიტანია, ინგლისის ყველა დროის საუკეთესო ბომბარდირი გახდა, რამეთუ სერ ბობი ჩარლტონის მიერ დამყარებულ 50–გოლიან შედეგს გადააჭარბა.

30 წლის ფეხბურთელმა 2015 წელს "სამ ლომთა" რიგებში ჩატარებულ რვა მატჩში ხუთი გოლი გაიტანა და წლის საუკეთესო ფეხბურთელის პრიზის მოპოვების საშუალება აქვს. იგივე ჯილდო 2014 წელს მიიღო.

2015 წლის ინგლისის საუკეთესო ფეხბურთელის წოდებაზე წარდგენილნი არიან:

ჯო ჰარტი (მანჩესტერ სიტი)
გარი კეჰილი (ჩელსი)
რაჰიმ სტერლინგი (მანჩესტერ სიტი)
უეინ რუნი (მანჩესტერ იუნაიტედი)
ჰარი კეინი (ტოტენჰემი)

ლინგარდი კი, ჩეხეთში გამართულ ევროპის ჩემპიონატზე 21-წლამდელთა გუნდში შესანიშნავად ასპარეზობდა. ვინგერმა სამი მატჩი ჩაატარა ტურნირზე და შვედეთის ნაკრებს ჯგუფურ ეტაპზე გადამწყვეტი გოლი გაუტანა, მოგვიანებით კი გერმანელთა კარიც აიღო.

23 წლის ფეხბურთელისთვის კარგი წელი გამოდგა, რადგან მან "იუნაიტედის" რიგებშიც გაიტანა პირველი გოლი ოფიციალურ მატჩში.

2015 წლის ინგლისის საუკეთესო 21-წლამდე ფეხბურთელის წოდებაზე წარდგენილნი არიან:

ჯეკ ბუტლანდი (სტოკ სიტი)
კარლ ჯენკინსონი (ვესტ ჰემი)
ჯეიმს უორდ-ფრაუზი (საუთჰემპტონი)
ჯესი ლინგარდი (მანჩესტერ იუნაიტედი)
ნათან რედმონდი (ნორვიჩ სიტი)

ხმის მიცემა 2016 წლის 3 იანვარს შეწყდება.