30-12-2015, 12:54

ავტორი: RojoDiablo,

ნანახია: 2705,

კომენტარები: 7

ანრი: "ვან გაალი გუნდს არ იცნობს"

ტიერი ანრის მორიგი კრიტიკა ვან გაალს.

ლონდონის "არსენალის" ყოფილი ფეხბურთელი ტიერი ანრი ლუი ვან გაალს კვლავ აკრიტიკებს და ფიქრობს, რომ ჰოლანდიელი მწვრთნელი თავის გუნდს სათანადოდ არ იცნობს.

"მანჩესტერ იუნაიტედმა" ორშაბათს ზედიზედ მერვე შეხვედრა დაასრულა მოუგებლად, ანრიმ კი წლის ბოლოს პირველი წრის მთავარი მოვლენები მომოიხილა და "იუნაიტედსაც" შეეხო.

"არა მგონია, ვან გაალს ამ გუნდში ნაპერწკლის გაღვივება შეეძლოს. მას ბევრი მოუგია, გამოცდილია, ყველაფერი აქვს. მაგრამ იცნობს კი გუნდს კარგად? იცის, ვინ უნდა ათამაშოს?

ახლა ძალიან ხისტები, პროგნოზირებადები არიან, ეს კი არ არის "მანჩესტერ იუნაიტედი", რომელსაც ვიცნობ. ისინი გოლებსა და სიმწვავეს ეძებდნენ და ენტონი მარსიალის სახით მიიღეს. მან გაიტანა გოლები, უცებ კი მარცხენა ფლანგზე აღმოჩნდა, მომდევნო დღეს მარჯვენაზე.

ეშლი იანგი ერთ დღეს მარცხენა ვინგერია, მეორე დღეს მარჯვენა, შემდეგ კი მარცხენა მცველი. როხო იწყებს, შემდეგ ერთი თვის განმავლობაში ვეღარ იწყებს და შემდეგ ისევ ბრუნდება. დეილი ბლინდი საჭირო კაცია, მერე კი აღარ არის საჭირო კაცი. ვფიქრობ, გუნდს არ იცნობს, ფეხბურთელებს აღარ ენდობა.

ისინი უნდა იქცნენ ისეთ "იუნაიტედად", რომელსაც ვიცნობთ", - განაცხადა ფრანგმა.

წყარო: skysports

ინტერვიუები

7 კომენტარი

№1

ავტორი: bastian777

30 დეკემბერი 2015 13:38

სიახლეები: 0
კომენტარები: 72

ა კაცი. სრული სიმართლე

№2

ავტორი: Jorbe-Jorbe

30 დეკემბერი 2015 13:57

სიახლეები: 8
კომენტარები: 1279

მართალია ცვლილებები ტრამვებიდან გამომდინარე ხდებოდა, მაგრამ როცა შეგიძლია მაქსმიმალურად ეს გადაადგილებები აიცილო თავიდან, მაინც რატო მიდის ამ გზისკენ ლუი, არ ვიცი.
მაგალითად, ყველას კარგად გვახსოვს, რომ წინა წელს მარჯვენა ვინგერის პოზიციაზე იანგი იდგა და არც თუ უშედეგოდ. როცა ხედავ, რომ დეპაი არ არის ფორმაში, ხო შეიძლება რომ იანგი დადგეს ვინგერად და მარსიალი გადავიდეს ცენტრალურ თავდამსხმელად ? ამით ორი ფეხბურთელი დაუბრუნდება პოზიციას, სადაც უფრო კომფორტულად გრძნობს თავს.

ფილოსოფოსობა და რაღაცეების მოგონება ჩვევად ექცა ლუის უკვე, არადა გენიალურობა სიმარტივეშიაო ნათქვამია.

(მარცხენა ვინგერი უნდა დამეწერა იანგზე, შემეშელა)

№3

ავტორი: GeorgeBest

30 დეკემბერი 2015 14:11

სიახლეები: 1729
კომენტარები: 12134

მარსიალის პოზიციების ცვლა ხალხის არყოფნის ბრალია. ვინგერები რომ იყვნენ გუნდში ასე არ მოხდებოდა. ვინგერები რომ არ არიან ეგ უკვე ვისი ბრალია ყველამ იცის

№4

ავტორი: AkkRed

30 დეკემბერი 2015 14:22

სიახლეები: 74
კომენტარები: 4669

ჩამოუყალიბა ჩამოუყალიბებელ პიროვნებას

№5

ავტორი: ვახო ( G G M U)

30 დეკემბერი 2015 15:24

სიახლეები: 0
კომენტარები: 4327

კარგი ცხოვრებით არაა გამოწვეული ეს გადაადგილებები რა თქმა უნდა, მაგრამ ამდენ ფეხბურთელს, რომ უშვებდა ისიც უნდა სცოდნოდა, რომ მათ შემცვლელები დასჭირდებოდა. 250 მილიონი დახარჯა, მაგრამ თავისივე ნათქვამი "ბალანსი" მაინც ვერ იპოვა areyoukiddingme

ზოგადად მიყვარს ანრის მოსაზრებების წაკითხვა და იშვიათად, რომ რეალობას მოკლებული იყოს მისი ნათქვამი.

№6

ავტორი: RojoDiablo

30 დეკემბერი 2015 15:40

სიახლეები: 7071
კომენტარები: 8687

ჰო, აი ეგ ბალანსის შექმნის საჭიროება გვაფიქრებს ყველას. როგორც თვითონ თქვა, მინიმუმ 2–3 ფეხბურთელი სჭირდება ერთ პოზიციაზე და ეს თავდამსხმელები ყველა ერთად რატომ მოიშორა მაინც ვერაფრით ვხვდები და არც არავინ ეკითხება.

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№7

ავტორი: Best 7

30 დეკემბერი 2015 16:58