"მანჩესტერ იუნაიტედის" ყოფილი ფეხბურთელი დუაით იორკი ფეხბურთელებს აკრიტიკებს და ფიქრობს, რომ ისინი "იუნაიტედის" დონეს არ შეესაბამებიან.

"სტოკ სიტისთან" მატჩში "წითელმა ეშმაკებმა" მორიგი მატჩი წააგეს, რაც ზედიზედ მეოთხე გამოდგა ყველა ტურნირზე ჩატარებულ ბოლო ოთხ მატჩში.

მიუხედავად იმისა, რომ "იუნაიტედმა" პირველი ტაიმი 2-0 დათმო, ვან გაალმა თამაშში ცვლილებების შესატანად მხოლოდ ორი შეცვლა გამოიყენა და მოედანზე უეინ რუნი და ანდრეას პერეირა გაიყვანა. ვერცერთმა მათგანმა ვერ მოახერხა მატჩში გარდატეხის შეტანა და "წითლები" საბოლოოდ 2-0 დამარცხდნენ.

იორკი ფეხბურთელების დონის მწირ არჩევანს ვან გაალს აბრალებს და ფიქრობს, რომ ჰოლანდიელი არჩევანში შეცდა.

"უნდა ვთქვა, რომ "იუნაიტედის" ყურება მტკივნეული იყო. ეს იყო გუნდი, რომელსაც თავდაჯერებულობა აკლდა.

სათადარიგოთა სკამს დავხედე, ვინმე ხომ ვერ შეძლებდა მატჩის მიმდინარეობის შეცვლას და მხოლოდ რუნი აღმოვაჩინე, რომელსაც რაღაც განსხვავებულის შეძენა შეუძლია გუნდისთვის. სკამი ძალიან მოკლეა და "სტოკმა" დღეს ამით ჩვენზე უპირატესობა მიიღო.

სად არიან ხავიერ ერნანდესის მსგავსი ფეხბურთელები - ოლე გუნარ სოლსკიაერის მსგავსი ფეხბურთელები , რომლებიც სათადარიგოდან შემოვიდოდნენ და მატჩში დაგვაბრუნებენ? როგორც ჩანს, ეს გვაკლია.

მოთამაშეები, ვინც კლუბიდან წასული ფეხბურთელების შესაცვლელად მოვიდნენ, ჩემი აზრით, საკმარისად კარგები არ არიან. ჩემი აზრით, სწორედ ამაში შეცდა მწვრთნელი, იმ ფეხბურთელების ხარისხში, რომლებიც კლუბში მოიყვანა", - განაცხადა იორკმა.

დაუითმა მემფის დეპაიც გააკრიტიკა, რომლის მიერ დავიდ დე ხეასთვის დაბრუნებული ბურთი ბოიან კრკიჩმა გოლად გარდასახა.

"დეპაის თავური ყველაზე საშინელი რამ იყო, რაც კი ოდესმე მინახავს. თვალებს ვერ ვუჯერებდი. "მანჩესტერ იუნაიტედს" არც მონდომება აქვს და არც სიმწვავე".

წყარო: skysports