"მანჩესტერ იუნაიტედი" "ბოქსინგ დეიზე" "სტოკ სიტის" წინააღმდეგ მატჩში 2-0 დამარცხდა. საფინალო სასტვენის შემდეგ ვან გაალმა კომენტარი გააკეთა.

ვან გაალი შედეგისა და თამაშის შესახებ: "მე ვფიქრობ, პირველ ტაიმში ფეხბურთის თამაშს ვერ ვბედავდით და ძალიან ცუდი გოლი გავუშვით. ეს მეტისმეტი იყო. მათ ჯარიმიდანაც გაიტანეს და შემდეგ ტაიმი დასრულდა. ერთმანეთს ველაპარაკეთ და უნდა ვთქვა, რომ მეორე ტაიმი გაცილებით უკეთესი იყო, ჩვენ ერთი თუ ორი შანსი გვქონდა და ეს უნდა გამოიყენო. ეს რომ მომხდარიყო თავდაჯერებულობა დაბრუნდებოდა და მეორე ტაიმი უკეთესი იქნებოდა, მაგრამ პრობლემა ის იყო, რომ თამაშს ვერ ვბედავდით. ეს არის ჩემი ანალიზი".

შემადგენლობის შერჩევაზე: "ფეხბურთელებთან ყოველთვის სამართლიანი ვარ და ვნახე, როგორ ვარჯიშობდნენ, მათ უკეთესად თამაში სურდათ, მაგრამ პირობები რთული იყო. პირობა გაართულა არა მარტო ქარმა, არამედ ფეხბურთელებზე ზეწოლამაც. ჩემი აზრით, სწორედ ამიტომაც ვერ ბედავდნენ ფეხბურთის თამაშს. მეორე ტაიმში ვმარცხდებოდით, ასეთ დროს კი ყველაფერი უფრო ადვილად უნდა გაიღო. სწორედ ეს გავაკეთეთ ჩვენ".

არის თუ არა ვან გაალი ადამიანი, რომელსაც ფეხბურთელების მოტოვირება შეუძლია: "ახლა ეს საკითხავია, ვცადე, მაგრამ ყოველი მატჩის შემდეგ იზრდება ზეწოლა. ახლა ეს არის პრობლემა. ეს უფრო რთულია, რადგან ამ წაგებულ ოთხ მატჩში მეც მიმიძღვის ბრალი, ამიტომ ხალხი მეც მაკვირდება და ამას უნდა გავუმკლავდე, მაგრამ უფრო მნიშვნელოვანი ის არის, რომ ფეხბურთელები უნდა გაუმკლავდნენ ამას, რადგან ისინი ასრულებენ".

მატჩის წინა პრესკონფერენციისა და შეტყობინების შესახებ: "ჩემი შეტყობინება იმაში მდგომარეობდა, რომ მედია წერს და ამბობს იმას, რაც "მანჩესტერ იუნაიტედში" არ ხდება. ეს იყო ჩემი შეტყობინება და არა ის, რომ მე დაზარალებული ვარ".

ვან გაალი "ჩელსისთან" მომდევნო მატჩსაც შეეხო: "შეგიძლიათ თქვათ, რომ ამ დამარცხებისთვის შურს "ჩელსისთან" ვიძიებთ, მაგრამ შუალედში ფეხბურთელებმა ფორმის აღდგენა უნდა მოახერხონ, რადგან მათ ყველაფერი დათმეს და ასეთ დროს უნდა დარწმუნდე, რომ მატჩის დასაწყებად თავდაჯერებული ხარ და ჩვენი ფეხბურთის სათამაშოდ გამბედაობა გყოფნის - ჩვენი ფეხბურთის! ორ დღეში ამის გაკეთება რთული იქნება, მაგრამ შევეცდებით".