"მანჩესტერ იუნაიტედი" "ბოქსინგ დეიზე" "ბრიტანია სტედიუმზე" "სტოკ სიტის" დაუპირისპირდება და ექვსმატჩიანი წარუმატებელი სერიის დასრულებას ეცდება.

შედეგად, კლუბმა პრემიერ ლიგის ოთხეულსა და ჩემპიონთა ლიგაზე ადგილი დაკარგა.

ჰიუზი, რომელიც "იუნაიტედის" ყოფილი ფეხბურთელია, არ აპირებს "წითელი ეშმაკების" დაუფასებლობას. თუმცა აღიარებს, რომ გუნდი გარდაქმნის პროცესშია.



"ეს უდიდესი კლუბია, რომელშიც ბევრი კარგი მოთამაშეა. ადრეც მკითხეს, ახლა საუკეთესო დრო იყო თუ არა "იუნაიტედთან" დასაპირისპირებლად. მაგრამ ასეთი მოწინააღმდეგის ყოველთვის მეშინია, რადგან ისინი ყველაზე ხშირად უბრუნდებიან ემოციურ მწვერვალს.

მოთამაშეები გლობალურ ბრენდს წარმოადგენენ და ვალდებულები არიან, უფრო ხშირად აჩვენონ კარგი თამაში, ვიდრე ცუდი. ამიტომ ისინი ამ კვირაშივე ეცდებიან, ტიტულისთვის ბრძოლას დაუბრუნდნენ.

"მანჩესტერ იუნაიტედის" ფეხბურთელები აცნობიერებენ, რომ ახლა გუნდი გარდაქმნის პროცესშია, უფრო სწორად კი, ერთ-ერთ ეტაპზე. ყველაფერი იცვლება და ხანდახან ცოტა უნდა მოითმინო, რათა კვლავ გქონდეს წარმატების მიღწევის შესაძლებლობა.

ამას თავისთავადად მივიჩნევთ. ვხვდებით, რამდენად სახიფათო მოწინააღმდეგე გვეყოლება "ბოქსინგ დეიზე". მოუთმენლად ველოდები თამაშს. ზეიმისთვის შესანიშნავი მატჩი იქნება".



ვან გაალის მომავალი საფრთხის წინაშე დგას და თუ გუნდი იმავე შედეგების ჩვენებას გააგრძელებს, ჰოლანდიელის გაძევება გამორიცხული არ არის. ჰიუზს კი მიაჩნია, რომ ვან გაალს რეპუტაცია ვერ დაეხმარება.

"გასულ კვირას ვთქვი, რომ ჟოზე მოურინიომ გუნდში პატივისცემა დაკარგა და ხელშეუხელები არავინ არის. სულ ერთია, რა გააკეთე მანამდე ჩატარებულ რამდენიმე მატჩში. მისი სამწვრთნელო მიღწევები დაუჯერებელია, მაგრამ მატჩები მაინც უნდა მოიგო.

ამ თამაშში უკვე ძალიან დიდი ხანია არის და ყველაზე კარგად ხვდება, რომ, თუ გუნდის შედეგი კარგი არ იქნება, ზეწოლის ქვეშ მოექცევა. მას ეს ესმის. ჩვენც გვესმის".

წყარო: skysports