სერ ალქეს ფერგიუსონს მტკიცედ აქვს გადაწყვეტილი, რამე მოიმოქმედოს Fa თასზე, ბოლოდროინდელი უნაყოფო გამოსვლების შემდეგ. ის ამზადებს გუნდს მესამე რაუნდში „ვესტ ჰემთან“ სათამაშოდ.
ბოლოს იუნაიტედმა წარმატება მოიპოვა მილუოლის წინააღმდეგ 2004 წელს. მას შემდეგ მანჩესტერის ფეხბურთელებს ეს თასი არ მოუგიათ, მათ შორის არიან რიო ფერდინანდი, უიენ რუნი და მაიკლ კერიკი.
სერ ალექსი აცხადებს, რომ მის გუნდს ჰქონდა უამრავი ხარვეზი თასზე, თუმცა გარკვეული მიზეზების გამო ვერ მოხერხდა მათი გამოსწორება, მათგან კი უმთავრესი ინგლისის პრემიერ ლიგაში დაძაბული სიტუაცია იყო.
წითლები 2005 წელს დამარცხდნენ პენლების სერიაში არსენალის წინააღმდეგ. ორი წლის შემდეგ კი დიდიერ დროგბას გოლმა იუნაიტედს თასი ხელიდან გამოსტაცა და ჩელსის პირველი თასი მოაპოვებინა იმ ოთხიდან, რომელიც მათ მოიგეს ბოლო ექვს წელიწადში.
„რიო ჩვენთან 10 წელია თამაშობს და მას არ აქვს მოგებული Fa თასი-ეს გასაკვირია“ განაცხადა სერ ალექსმა „ჩვენ რამე უნდა მოვუხერხოთ ამას“
„ამ ტურნირზე დიდი მნიშვნელობა არ ენიჭება როგორ ფორმაშია გუნდი. იღბალი კი ძალზე დიდ როლს თამაშობს.“
„ჩვენ გავედით ნახევარფინალში სიტის წინააღმდეგ, მაგრამ ჩვენ ძალიან რთული თამაშები შეგვხვდა-ორჯერ გასვლაზე ლივერპულთან, ასევე გასვლაზე სიტისთან და სახლში ლიდსთან, სადაც რამდენიმე ფეხბურთელი დავასვენე.“
„ჩელსი წლების განმავლობაში კარგად გამოდიოდა, თუმცა მათ ძალიან გაუმართლათ, როცა დროგბამ ბოლო წუთებზე გოლი გაგვიტანა. ასევე ჩვენ პენლების სერიაში წავაგეთ არსენალთან, რომელიც ყველამ ძალიან კარგად ვიცით, რომ შეუსაბამო შედეგი იყო.“
„მაგრამ მე ვფიქრობ, რომ ჩვენნაირი კლუბები, რაც უფრო უახლოვდებიან უემბლის, მით უფრო უკეთესები ხდებიან.“
სემ ალარდისის „ვესტ ჰემი“ აპირებს გააგრძელოს თასზე ასპარეზობა, თუმცა სერ ალექსის თქმით ისინი მათ წინააღმდეგ ძლიერი შემადგენლობით გამოვლენ, რათა შემდეგი ეტაპის საგზური მოიპოვონ.
„ეს ძალიან რთული თამაში იქნება, ისინი კარგ ფორმაში არიან, ამასთანავე სახლში თამაშობენ“ აგრძელებს წითლების მწვრთნელი „სემმა მშვენიერი სამსახური გასწია მათთვის. პირველ რიგში მათ აქამდე მოაღწიეს, ასევე ისინი ძალიან კარგ ფორმაში არიან და რამდენიმე ძალიან კარგი შედეგი აჩვენეს.“
„ასე რომ ეს იქნება რთული თამაში და არ ვაპირებ ბევრი ცვლილების გაკეთებას. ვფიქრობ ჩვენ მეტნაკლებად კარგ თამაშს ვაჩვენებთ და იმედია მოვახერხებთ შემდეგ ეტაპზე გასვლას.“


წყარო: www.manutd.com