"ტოტენჰემის" ყოფილი მთავარი მწვრთნელი ჰარი რედნაპი მიიჩნევს, რომ "მანჩესტერ იუნაიტედმა" დაუყოვნებლივ უნდა შეცვალოს ლუი ვან გაალი ჟოზე მოურინიოთი ან პეპ გვარდიოლათი.

"მანჩესტერ იუნაიტედს" იმპულსი, საიდანღაც წარმოშობილი ნაპერწკალი სჭირდება და ჟოზე მოურინიო ნამდვილად შეძლებს მათ გამოცოცხლებას - მაგრამ რას იტყვით პეპ გვარდიოლაზე?

ლუი ვან გაალთან ერთად "იუნაიტედი" ადგილზე გაიყინა და ვერ უარყოფენ, რომ მსოფლიოს ორი საუკეთესო მწვრთნელი ხელმისაწვდომი იქნება.

"იუნაიტედში" რამე უნდა შეიცვალოს, მთელი სეზონის განმავლობაში საშინლად გამოიყურებიან, მოურინიო კი იდეალურად მოერგებოდა მას "ჩელსიდან" გაძევების შემდეგ. სურს, რაც შეიძლება მალე დაუბრუნდეს სამუშაოს, "იუნაიტედის", როგორც კლუბის მასშტაბებს იცნობს და მოთამაშეებს სახეზე ღიმილს დაუბრუნებს.

მაგრამ ბაზარზეა გვარდიოლაც. მიუხედავად იმისა, რომ ყველას ჰგონია, ის "მანჩესტერ სიტის" ჩაიბარებს, გამიკვირდება, თუკი "იუნაიტედი" მის კანდიდატურას არ განიხილავს. გვარდიოლას აგენტის ადგილას ხელებს დავიკაპიწებდი, რადგან მეცოდინებოდა, რომ ევროპის ორ უმსხვილეს კლუბს შორის არჩევა შემეძლო.

დევიდ მოიესისა და ვან გაალის ზედიზედ ორი დანიშვნის შემდეგ, "იუნაიტედი" მსოფლიოს ერთ-ერთი უდიდესი მწვრთნელის, სერ ალექს ფერგიუსონის შეცვლას ცდილობს, მაგრამ უნდა მიექცეს ყურადღება მას, ვინც მის კვალს მიჰყვება, თუ, რა თქმა უნდა, რამის შეცვლა სურთ", - წერს რედნაპი თავის გრაფაში.