22-12-2015, 15:43

ავტორი: RojoDiablo,

ნანახია: 3606,

კომენტარები: 7

ვან გაალის მომავალს ფერგიუსონი გადაწყვეტს

"იუნაიტედი" ფერგიუსონს დახმარებისთვის მიმართავს.

სერ ალექს ფერგიუსონი ლუი ვან გაალის მომავალს გადაწყვეტს.

"მანჩესტერ იუნაიტედის" ყოფილმა მწვრთნელმა, აღმასრულებელმა დირექტორმა ედ ვუდვორდმა და ყოფილმა აღმასრულებელმა დირექტორმა დევიდ გილმა გუშინ "ოლდ ტრაფორდზე" საგანგებო შეხვედრა გამართეს.

კლუბის ოფიციალური პირები დიდი არჩევანის წინაშე დგანან, რადგან ვან გაალის შეცვლის კანდიდატ ჟოზე მოურინიოს გადაბირებას მისი ყოფილი კლუბი, მადრიდის "რეალი" ცდილობს.

"იუნაიტედის" მფლობელებმა ჯოელ და ავრაამ გლეიზერებმა საბოლოო გადაწყვეტილების მიღება ვუდვორდსა და კომპანიას მიანდეს, რომლებიც ხელმძღვანელობის ჩაურევლად განსჯიან ლუი ვან გაალის მომავალს.

სერ ალექსი და დევიდ გილი ლუი ვან გაალის მხარდამჭერები არიან, მაგრამ "ბერნაბეუზე" შექმნილი ვითარებიდან გამომდინარე, "იუნაიტედმა" შესაძლოა, დაკარგოს ჟოზე მოურინიო, ამიტომ გადაწყვეტილების დაჩქარება გახდება საჭირო.

ვან გაალმა, თავის მხრივ განუცხადა კლუბის წარმომადგენლებს, რომ ნებისმიერ გადაწყვეტილებას პატივისცემით შეხვდება, რადგან თავის გაძევებას ფილოსოფიურად უდგება.

ფერგიუსონი ვან გაალის მეგობარი და მოურინიოს გულშემატკივარია, მისი ხმა გადამწყვეტი იქნება, მაგრამ შოტლანდიელს მიაჩნია, რომ "იუნაიტედი" არ უნდა იყოს კლუბი, რომელიც მწვრთნელებს ათავისუფლებს.

მწვრთნელის გაძევების უახლესი შემთხვევა დევიდ მოიესის დროს დაფიქსირდა, როცა მან კლუბი კონტრაქტზე გათვალისიწნებულ ვადაზე ადრე დატოვა.

თუმცა საკითხისადმი ასეთმა მიდგომამ, შესაძლოა, ჟოზე მოურინიოს დაკარგვა გამოიწვიოს, რომელიც ამჟამად პორტუგალიაში ოჯახთან ერთად იმყოფება, თუმცა სამუშაოს ძალიან მალე დაუბრუნდება.

წყარო: dailymail

ახალი ამბები

7 კომენტარი

№1

ავტორი: RojoDiablo

22 დეკემბერი 2015 15:45

სიახლეები: 7071
კომენტარები: 8687

უნდა ვაღიარო, ასეთი რამეების ზოგადად არ მჯერა, მაგრამ ამ კონკრეტულ შემთხვევაში, არ არის გამორიცხული, მართლაც ასე იდგეს საკითხი.

სამწუხაროდ, დღეს ფეხბურთში ცოტა მაღალი კლასის მწვრთნელია და ეს ცოტაც ძალიან ნაკლებად არის ხელმისაწვდომი. ახალგაზრდები აქცენტის გაკეთება ჭირს, ამიტომ მოურინიოს დაკარგვის საფრთხე, რომელიც ერთ-ერთ საუკეთესოდ ითვლება, ნამდვილად ალტერნატივის წინაშე დააყენებს ხელმძღვანელობას.

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№2

ავტორი: Jorbe-Jorbe

22 დეკემბერი 2015 16:09

სიახლეები: 8
კომენტარები: 1279

ანჩელოტი პასს
ჟოზეც პას??
და აბა მერე ვინ ????

№3

ავტორი: I L C

22 დეკემბერი 2015 16:16

სიახლეები: 85
კომენტარები: 1917

ყოველთვის სასიხარულოა როცა გადაწყვეტილებას იღებს ის ადამიანი რომელსაც ბოლომდე ენდობი მჯერა ფერგის.. იმედია მეორედ აღარ შეცდება

საიტთან მაქვს თხოვნაა.. იქნებ ძველი თამაშები დადოთ 2008-2009-2010წლების ცოტა გავიხსენოთ რას ვგულშემატკივრობთ:)))

_ _ _ _ _ _ _ _ _ _ _ _ _ _ _ _ _ _ _ _

United are the team for me,
With a nick nack paddy whack give the dog a bone,
Why don’t city f**k off home?

№4

ავტორი: GeorgeBest

22 დეკემბერი 2015 17:05

სიახლეები: 1729
კომენტარები: 12134

ფერგის როგორც ვიცი თავიდანვე გუარდიოლას მოყვანა უნდოდა, ხოდა იქნებ იყოს ეხლა შანსი რომ დადონ გუარდიოლა. სიტის ბევრად მეტი შანსი აქვს ალბათ მარა უნდა ეცადონ

№5

ავტორი: ვახო ( G G M U)

22 დეკემბერი 2015 18:26

სიახლეები: 0
კომენტარები: 4327

ისე რეალში რომ წავა მოურინიო მაგის ყველაზე ნაკლებად მჯერა, რადგან არა მგონია ფებბურთელებს და თვითონ მოუსაც სურდეს რეალში მუშაობა. პირიქით, მე მგონია რომ მოუს ძალიან უნდა მანჩესტერის გაწვრთნა და ნუ ბაბუს და მოურინიოსს ურთიერთობა დარწმუნებული ვარ გადამწყვეტიც იქნება ამ შემთხვევაში.

№6

ავტორი: AkkRed

22 დეკემბერი 2015 18:26

სიახლეები: 74
კომენტარები: 4669

მე ვფიქრობ თუ ფერგი ჩაერია წლის ბოლომდე ვან გაალი დარჩება და მერე ან ჟოზეს მოიყვანს ან გუარდიოლას, ორივე მათგანი დიდ პატივს სცემენ იუნაიტედს და ფერგის, ასე რომ არ ვიცი რა მოხდება.

№7

ავტორი: Count Alucard

22 დეკემბერი 2015 21:33