"მანჩესტერ იუნაიტედის" ყოფილი მცველი რიო ფერდინანდი აცხადებს, რომ "იუნაიტედმა" პეპ გვარდიოლას გადაბირება მაშინვე უნდა სცადოს, როგორც კი ხელმისაწვდომი იქნება.

ესპანელს მოქმედი კონტრაქტი მიმდინარე სეზონის ბოლოს ეწურება და თავისი მომავლის შესახებ კომენტარს "ჰანოვერის" წინააღმდეგ გასამართი მატჩის შემდეგ გააკეთებს.

"ჩელსისა" და "მანჩესტერ სიტისაც" უკავშირებენ გვარდიოლას, მაგრამ ფერდინანდს არ სურს, რომ მისმა ყოფილმა კლუბმა შესაძლებლობა ხელიდან გაუშვას.

"მანჩესტერ იუნაიტედის" პრობლემა ის არის, რომ თუ გვარდიოლა პრემიერ ლიგის გუნდში იმუშავებს, ამის შემდეგ სხვა გუნდში აღარ გადავა.

ეს არის ერთადერთი შანსი - მისი გადაბირების ერთი შანსი არსებობს. არ გადავა "იუნაიტედში" "მანჩესტერ სიტის" შემდეგ. არ გადავა "იუნაიტედში" "ჩელსის" შემდეგ.

ეს არ მოხდება, ამიტომ მსოფლიოს საუკეთესო მწვრთნელის გადასაბირებლად ერთადერთი შანსი არსებობს. არის გვარდიოლა უკეთესი, ვიდრე მათი ამჟამინდელი მწვრთნელი? ეს უნდა იკითხონ "იუნაიტედმა" და "სიტიმ". თუკი პასუხია "დიახ", მაშინ ასეც მოიქცევი.

დაახლოებით იგივეა, რაც მსოფლიოს საუკეთესო ფეხბურთელების შემთხვევა - თუკი კრიშტიანუ რონალდუს ან ლიონელ მესის მსგავსი ფეხბურთელი ხელმისაწვდომი გახდება, ყველა დაინტერესდება. არა მგონია, დიდებული მწვრთნელის შემთხვევაში სხვა ვითარება იყოს.

მსოფლიოს საუკეთესო მწვრთნელი ნამდვილად გვარდიოლაა და როცა ის ხელმისაწვდომია, ხალხი დაინტერესდება, ვფიქრობ, არც "იუნაიტედი" იქნება გამონაკლისი.

პლანეტის ყველა მწვრთნელს, გარდა "მანჩესტერ სიტიში" მომუშავისა, მოეწონება "იუნაიტედში" მუშაობა.

უდიდესი სამსახურია. განსაკუთრებით ახლა, ეს არის სამუშაო, სადაც მისვლისა და წარმატების შემთხვევაში გმირი იქნები - ვიღაც, ვინც ყველაფერი გარდაქმნა.

გასაოცარი სამუშაოა. ეს არის სამუშაო, სადაც რაღაცას შექმნი. სწორედ ეს უნდა გააკეთოს გვარდიოლამ, მაგრამ არჩევანი აქვს.

ხალხი საუბრობს "სიტის", "ჩელსისა" და "არსენალის" შესახებ. ადვილი არ იქნება", - განაცხადა ფერდინანდმა.

წყარო: goal.com