"ის ხუთეული, რომელიც ლუი ვან გაალმა დაითხოვა, იდეალურად მოერგებოდა დღევანდელ "იუნაიტედს" და იხსნიდა "ბორნმუთთან" მატჩში, ამბობს პოლ მერსონი.

"იუნაიტედის" თავკაცმა ტრანსფერებში 250 მილიონი ფუნტი დახარჯა და "ოლდ ტრაფორდის" რამდენიმე ვარსკვლავი დაითხოვა მას შემდეგ, რაც დევიდ მოიესისგან პოსტი ჩაიბარა.

მერსონის თქმით, "იუნაიტედი" უკეთესად უნდა გამოიყურებოდეს, რადგან იგი მეოთხე ადგილზე იმყოფება პრემიერ ლიგაში და 6 ქულით ჩამორჩება ლიდერ ''ლესტერს''. ამასთან ერთად, გუნდმა ჩემპიონთა ლიგის ჯგუფური ეტაპის გადალახვა ვერ შეძლო.

"იგი, ალბათ, ზის და ფიქრობს- ''ჩვენ ტოპ-ოთხეულში ვართ და ყველა უკმაყოფილოა". მაგრამ როცა შენ 250 მილიონ ფუნტს ხარჯავ, მაშინ გუნდში ძალიან დიდი ფეხბურთელები უნდა გყავდეს და ტიტულისთვის უნდა იბრძოდე",- ამბობს პოლი.

"თუ შენ ასეთი რაოდენობის თანხას ხარჯავ, მაშინ რატომ არ გყავს გუნდში 22 უცხოელი ფეხბურთელი? შეხედეთ "მანჩესტერ სიტის" Capital one Cup-ის გუნდს, ისინი ბევრად უკეთესები არიან, ვიდრე "იუნაიტედის" პირველი გუნდი."

ქვემოთ მერსონი "იუნაიტედის" თერთმეტეულს "ბორნმუთის" წინააღმდეგ იმ ფეხბურთელებს ადარებს, რომლებიც ჰოლანდიელმა მოსვლის შემდეგ დაითხოვა.



მეკარე



შემადგენლობაში "ბორნმუთის" წინააღდეგ: დავიდ დე ხეა.
ვან გაალის მიერ დათხოვნილი: ანდერს ლინდეგაარდი, ბენ ამოსი.

მერსონი ამბობს: ვან გაალი დიდ პატივისცემას იმსახურებს დე ხეას გუნდში დატოვებით. ვინ იცის, სად იქნებოდნენ ისინი დავიდის გარეშე.

მარცხენა მცველი



შემადგენლობაში "ბორნმუთის" წინააღმდეგ: კამერონ ბორთვიკ-ჯექსონი.
ვან გაალის მიერ დათხოვნილი: პატრის ევრა.

მერსონი ამბობს: პატრის ვერა მოსვენებას არ მაძლევს. მე მის თამაშებს დღესაც ვუყურებ და ვფიქრობ, რატომ მისცეს მას წასვლის საშუალება? საფრანგეთის ნაკრებში დაახლოებით 70-ჯერ ითამაშა. ჯექსონის მიმართ არაფერი არ მაქვს. ვფიქრობ, მას დიდი მომავალი ელოდება. მაგრამ მას ძალიან არ გაუმართლა, რომ მისი დებიუტი ასეთ დროს შედგა.

როდესაც ხარ ახალგაზრდა და პირველ გუნდში გრიცხავენ, აუცილებელია, რომ შემადგენლობაში გამოცდილი ფეხბურთელი იმყოფებოდეს, მაგრამ "იუნაიტედის" შემთხვევაში, ყველა საკუთარ ცუდ თამაშზე ჯავრობს.

ცენტრალური მცველი



შემადგენლობაში "ბორნმუთის" წინააღმდეგ: დეილი ბლინდი და პედი მაკნეირი
ვან გაალის მიერ დათხოვნილი: ჯონი ევანსი და ტეილორ ბლეკეტი (იჯარა)

მერსონი ამბობს: ძალიან მალე გუნდს ევანსის არყოფნაც დაეტყობა. იმის გამო, რომ დეილი ბლინდი სუფთა ცენტრალური მცველი არ არის, მე მას ახალგაზრდა პედი მაკნეირსა და ბლეკეტის თავზე დავაყენებდი.


მარჯვენა მცველი




შემადგენლობაში "ბორნმუთის" წინააღმდეგ: გილიერმო ვარელა
ვან გაალის მიერ დათხოვნილი: რაფაელი

მერსონი ამბობს: მარჯვენა ფლანგზე ვან გალს ვერ დავადანაშაულებ. იგი სწორად მოიქცა, როდესაც რაფელი გაყიდა, რადგან ბრაზილიელი არ იყო საკმარისად კარგი "მანჩესტერ იუნაიტედისთვის". ვარელას წინააღმდეგ არაფერი არ მაქვს.

ნახევარდაცვა



შემადგენლობაში "ბორნმუთის" წინააღმდეგ: მაიკლ კერიკი, მარუან ფელაინი.
ვან გაალის მიერ დათხოვნილი: დარენ ფლეტჩერი და ტომ ქლევერლი.

მერსონი ამბობს: დარენი დღემდე გუნდში მეყოლებოდა. სერ ალექსი მას მუდამ რთულ შევედრებში იყენებდა და მუდამ ამართლებდა. იგივეს აკეთებს "ვესტ ბრომშიც". მეეჭვება, რომ ფლეტჩერი დიდ თანხად უჯდებოდა "იუნაიტედს", რის გამოც იგი გაყიდეს.

შესანიშნავი დუეტი იქნებოდა დარენისა და მაიკლის მონაწილეობით. ფელაინი ნამდვილად არ იმსახურებს ამ პოზიციას. თუ იგი ნახევარმცველია, მაშინ მე მცველი ვყოფილვარ!

შემტევი ნახევარმცველი




შემადგენლობაში ''ბორნმუთის" წინააღმდეგ: ჯესი ლინგარდი, ხუან მატა და მემფის დეპაი.
ვან გაალის მიერ დათხოვნილი: ანხელ დი მარია, ზაჰა, დენი უელბეკი, შინჯი კაგავა, ნანი და ადნან იანუზაი (იჯარა).

მერსონი ამბობს: ხუან მატა თავის ადგილს ინარჩუნებს. იგი ძალიან მომწონს და მინდა, ყოველ კვირა ითამაშოს.

უეჭველად ვიყოლიებდი ნანის. ვფიქრობ, გუნდს ძალიან აკლია. შეიძლება, ყველაფერი არ გამოსდის, მაგრამ თუ გააკეთა, ნამდვილად კარგად აკეთებს. ლინგარდმა კარგად გამოამჟღავნა საკუთარი თავი, მაგრამ კიდევ ერთხელ, ჩვენ ახალგაზრდა ბიჭზე ვსაუბრობთ პორტუგალიელი ვარსკვლავის წინააღმდეგ.

ანალოგიური ითქმის ვილფრიდ ზაჰაზეც. მას საშუალებაც კი არ მიეცა, თავი გამოეჩინა დევიდ მოიესის დროს. ვიცი, ხალხი იტყვის, რომ ამის გაკეთება "კრისტალ პალასში" უფრო მარტივიაო, მაგრამ ის შემტევი თამაში, რომელსაც ფეხბურთელი აჩვენებს, უკვე დიდი ხანია "ოლდ ტრაფორდზე" არ უნახავთ.

ანხელ დი მარიამ საკუთარი თავი წარადგინა, თუმცა არც ისე დამაკმაყოფილებლად, რადგან მას სხვა პოზიციაზე აიძულებდნენ თამაშს. ხალხი ამბობს, რომ თუ შენ მსოფლიო დონის ფეხბურთელი ხარ, მაშინ ნებისმიერ პოზიციაზე უნდა ითამაშო, მაგრამ ამით ერთ ღამეში ცუდი ფეხბურთელის რეპუტაციას არ შეიქმნი. მემფის დეპაი ძალიან მომწონს, მაგრამ იგი არ თამაშობს ისე, რომ სახეზე ღიმილი ეტყობოდეს.

თავდამსხმელი



შემადგენლობაი "ბორნმუთის" წინააღმდეგ: ენტონი მარსიალი.
ვან გაალის მიერ დათხოვნილი: ხავიერ ერნანდესი და რობინ ვან პერსი.

მერსონი ამბობს: მარსიალი კარგი ფეხბურთელია და მას რობინ ვან პერსისთან და ერნანდესთან ერთად ვათამაშებდი, მაგრამ მას გამოცდილება აკლია. დანამდვილებით, ფეხბურთელები ძალიან შებოჭილები და დიდი ზეწოლის ქვეშ თამაშობენ, რაც მწვრთნელის ბრალია. მე არ განვიკითხავ არცერთ ფეხბურთელს, ვინაიდან თითოეული მათგანი განიცდის ამას. დარწმუნებული ვარ, არავის სურს ამის გადატანა.

"იუნაიტედმა" ვან პერსი საჭირო დროს გაუშვა. ვნახე, როგორ იქცევა "ფენერბაჰჩეში". მწვრთნელმა ყველა ფეხბურთელს ჩამოუარა ხელის ჩამოსართმევად, ხოლო რობინი თავის სკამზე დაჯდა და მწვრთნელს მას არავითარი ყურადღება არ მიაქცია.

რაც შეეხება ჩიჩარიტოს, მე მას განვიხილავდი, როგორც საუკეთესო შემცვლელად. იგი იმ ფეხბურთელების კატეგორიაში შედის, რომლის გამოსვლა თამაშს ცვლის. მაგრამ პირადად მე, მარსიალი მირჩევნია.

წყარო- SkySports