"მანჩესტერ იუნაიტედი" თავისი ცნობილი სტადიონის გვერდით "მინი ოლდ ტრაფორდს" ააშენებს, რომელზეც 21 წლამდელთა გუნდი ითამაშებს აკადემიისა და ახალგაზრდული თასის მატჩებს.

სტადიონის აგება, რომელიც 5000-10000 მაყურებელზე იქნება გათვლილი, აკადემიისა და სარეზერვო კლუბის განვითარების პროექტის განხორციელებისას გაჩნდა.

"იუნაიტედის" ხელმძღვანელობა თანხმდება, რომ აკადემიის სისტემას განახლება სჭირდება.

ახალი სტადიონი "ოლდ ტრაფორდის" მახლობლად კლუბის კუთვნილ მიწაზე აშენდება, რომელსაც ძირითადად პარკინგისთვის იყენებდნენ მატჩის დღეს.



წყარო: M.E.N.